CCM YAFUNGA KAMPENI ZA UCHAGUZI MDOGO MWAMALILI, VIONGOZI WA CCM WAHIMIZA WANANCHI KESHO KUJITOKEZA KUPIGA KURA.

Na Mapuli Misalaba, Shinyanga

Mwenyekiti wa chama cha mapinduzi CCM Mkoa wa Shinyanga Mh: Mabala Mlolwa leo Desemba 16, 2022 ameongoza shughuli za kufunga kampeni za CCM katika uchaguzi mdogo wa udiwani kata ya Mwamalili Halmashauri ya Manispaa ya Shinyanga.

Chama hicho kilizindua kampenzi za uchaguzi mdogo wa udiwani kata ya Mwamalili Desemba 10, 2022 ambapo leo shughuli ya kufunga kampeni hizo zimehughuriwa na viongozi mbalimbali wakiwemo Madiwani wa Manispaa ya Shinyanga pamoja na Mbunge wa jimbo la Shinyanga Mjini ambaye pia ni Naibu Waziri wa Nchi ofisi ya Waziri Mkuu kazi,vijana, ajira na wenye ulemavu,Paschal Patrobas katambi.

Akizungumza mgeni rasmi kwenye shughuli za kufunga kampeni, Mwenyekiti wa CCM Mkoa wa Shinyanga Mh: Mabala Mlolwa ameendelea kuwaomba wakazi wa kata ya Mwamalili kumchagua mgombea wa CCM Bwana James Mdimi ili aweze kuwasaidia kutatua changamoto zilizopo kwenye kata hiyo.

Mwenyekiti Mabala amewasisitiza wakazi wa kata hiyo siku ya kesho kwenda kumpigia kura mgombea wa CCM James Matinde Mdimi ili aweze kushirikiana na viongozi wengine wa chama na serikali kwa kuhakikisha ilani ya uchaguzi inatekelezwa kikamilifu.

“Mimi niwaombe sana wananchi wa Mwamalili siku ya kesho Jumamosi kachagueni ndugu yetu James Mdimi kampigieni kura za kutosha asubuhi halafu unasubiria matokeo jioni saa kumi na moja”.amesema Mwenyekiti Mabala

Kwa upande wake mgombea wa nafasi ya udiwani kata ya mwamalili Bwana James Matinde Mdimi naye ameendelea kuwaomba wananchi kumchagua ili aweze kutatua changamoto zilizopo kupitia sekta mbalimbali ikiwemo afya, elimu, maji na miundombinu ya Barabara.

“Wananchi wa Mwamalili mimi ni motto wenu nagombea nafasi ya udiwani kata hii nawaomba kura zenu mama zangu, baba zangu na watu wote ili mnitumie niweze kusimamia maendeleo ya kata hii hasa vipaumbele vyangu ni kushughulikia changamoto ya umeme, maji, afya na barabara ambavyo ni kero katika kata ya Mwamalili”.amesema James Mdimi

Viongozi mbalimbali wa CCM ngazi ya Mkoa na wilaya nao wamewaomba wananchi wa kata ya Mwamalili kumchagua James Mdimi katika nafasi ya udiwani ili ashughulikia kero zao.

Wakizungumza pia Baadhi ya madiwa kutoka kata mbalimbali za Halmashauri ya Manispaa ya Shinyanga wamewaomba wakazi wa kata ya mwamalili kuungana na mgombe wa CCM huku Mstahiki meya wa Manispaa ya Shinyanga Mh; Elias Ramadhan Masumbuko akiwaomba wakazi wa kata hiyo kujitokeza kwa wingi ili kumpigia kura James Mdimi aweze kushirikiana na madiwani wengine wa Halmashauri ya Manispaa ya Shinyanga.

Aidha Mbunge wa jimbo la Shinyanga Mjini Naibu Waziri wa Nchi ofisi ya Waziri Mkuu kazi,vijana, ajira na wenye ulemavu,Paschal Patrobas katambi pamoja na Mbunge viti maalum Mkoa wa Shinyanga Dkt. Christina Mzava nao wametumia nafasi hiyo kuwaomba wananchi wakazi wa kata ya Mwamalili kumchagua Mgombea wa CCM Bwana James Mdimi ili aweze kuleta mabadiliko chanya ya kimaendeleo.

Chama cha Mapinduzi CCM Wilaya ya Shinyanga Mjini leo kimefunga kampeini za uchaguzi mdogo wa nafasi ya udiwani katika kata ya Mwamalili,Jimbo la Uchaguzi la Shinyanga Mjini ambapo siku ya kesho Jumamosi wakazi wa kata hiyo watapiga kura kumchangua diwani wao.

Uchaguzi huo mdogo wa nafasi ya udiwani katika kata ya Mwamalili unafanyika kuziba pengo la aliyekuwa diwani wa kata hiyo Paulo Machela ambaye alifariki Dunia Mwanzoni mwa Mwaka huu 2022.

Mwenyekiti wa chama cha mapinduzi CCM Mkoa wa Shinyanga Mh: Mabala Mlolwa akizungumza katika shughuli ya kufunga kampeni za uchaguzi mdogo wa diwani kata ya Mwamalili.

Mbunge wa jimbo la Shinyanga Mjini ambaye pia ni Naibu Waziri wa Nchi ofisi ya Waziri Mkuu kazi,vijana, ajira na wenye ulemavu,Paschal Patrobas katambi akizungumza kwenye shughuli hiyo.

Mbunge viti maalum Mkoa wa Shinyanga Dkt. Christina Mzava akiwaomba wakazi wa kata ya Mwamalili kumchagua Bwana James Mdimi katika nafasi ya udiwani kata hiyo.

Katibu wa CCM Mkoa wa Shinyanga Donard Magesa akizungumza kwenye kampeni hiyo.

Mstahiki Meya wa Manispaa ya Shinyanga Mh; Elias Ramadhan Masumbuko akiwaomba wakazi wa kata ya Mwamalili kujitokeza kwa wingi kwenda kumpigia kura za ndiyo Bwana James Mdimi.

Naibu Meya wa Manispaa ya Shinyanga Esther Makune akiwaomba wananchi kumpigia kura za ndiyo mgombea wa CCM Bwana James mdimi.

Mwenyekiti wa CCM Wilaya ya Shinyanga mjini Magile Anold Makombe akizungumza kwenye kampeni hizo.

Diwani wa kata ya Kambarage Manispaa ya Shinyanga Mh: Hassan Mwendapole akiwaomba wakazi wa kata ya Mwamalili kumchagua mgombea wa CCM James Mdimi.

Diwani wa kata ya Kolandoto Manispaa ya Shinyanga Mh: Mussa Elias akiwaomba wakazi wa kata ya Mwamalili kumpigia kura za ndiyo mgombea wa CCM James Mdimi.