Mkuu wa Wilaya ya Nyasa, Mhe. Perres Magiri, kwa niaba ya Mkuu wa Mkoa wa Ruvuma, amefungua rasmi Mkutano wa Ujirani Mwema kati ya Tanzania na Msumbiji unaofanyika katika Ukumbi wa Heritage Cottage, Manispaa ya Songea mkoani Ruvuma. Mkutano huo wa siku mbili ambao umeanza kufanyika Juni 23 hadi 24, 2026, umewakutanisha viongozi na maafisa kutoka taasisi mbalimbali za usalama za nchi hizo mbili kwa lengo la kuimarisha ushirikiano katika masuala ya kiusalama.Akizungumza wakati wa ufunguzi wa mkutano huo, Mhe. Magiri amesisitiza umuhimu wa kuendeleza ushirikiano wa karibu kati ya Tanzania na Msumbiji ili kudumisha amani, usalama na utulivu katika maeneo ya mipakani. Ameeleza kuwa mikutano ya aina hiyo imeendelea kuwa jukwaa muhimu la kujenga mahusiano mazuri, kuimarisha mawasiliano na kutafuta suluhisho la pamoja kwa changamoto mbalimbali za kiusalama zinazoweza kujitokeza.Katika mkutano huo, washiriki wanatarajia kujadili masuala mbalimbali ikiwemo udhibiti wa uhalifu wa kuvuka mipaka, usimamizi wa mipaka na mbinu za kuendeleza ushirikiano wa kiutendaji kati ya vyombo vya usalama vya Tanzania na Msumbiji. Aidha, mkutano huo unalenga kubadilishana uzoefu na mbinu bora za utekelezaji wa majukumu ya kiusalama kwa manufaa ya wananchi na mataifa yote mawili.Awali kabla ya kuanza kwa kikao kazi hicho, Kamanda wa Polisi Mkoa wa Ruvuma, Kamishna Msaidizi Mwandamizi wa Polisi (SACP) Marco G. Chilya, amepata fursa ya kumtambulisha Kamanda wa Jimbo la Niasa nchini Msumbiji, Kamishna Msaidizi wa Polisi Celestino Albano Vianeque, ikiwa ni sehemu ya kuimarisha mahusiano na ushirikiano wa vyombo vya usalama vya nchi hizo mbili.
SHY TALENT FILMS - CONTENT YA MWISHO DRAMA
🥃🍶 TUMIA VINYWAJI BORA VYA KAMPUNI YA EAST AFRICAN SPIRITS – BEI RAFIKI, LADHA SAFI BILA HARUFU MBAYA
Wasiliana nasi:
📍 East African Spirits (T) Ltd
📞 +255 767 650 806 | +255 652 096 254
Post a Comment