ASKOFU BUGOTA AWAKUMBUSHA WAKRISTO MAMBO YA MSINGI KUELEKEA NYAKATI ZA KUZALIWA KWA YESU

Uzoefu na Ubunifu: &nbsp;Timu yetu ya wataalamu ina uzoefu wa miaka mingi katika sekta ya habari na uchapishaji wa maudhui.
Ubora na Uaminifu: &nbsp;Tunajivunia kutoa huduma bora na za kuaminika kwa wateja wetu.
Upatikanaji: &nbsp;Tupo mtandaoni muda wote, tukihakikisha unapata taarifa muhimu kwa wakati.

Na Mapuli Misalaba, Shinyanga

Askofu wa makanisa ya Africa Inland Church Tanzania (AICT) Dayosisi ya Shinyanga Zakayo Bugota amesema changamoto za maisha hutengeneza aibu kwa kila mtu hivyo amewataka wakristo kufanya kazi kwa bidii ili kuimarisha uchumi wa mtu mmoja mmoja.

Ameyasema hayo wakati akihubiri kwenye ibada ya Jumapili katika kanisa la AICT Kambarage mjini Shinyanga ambapo amewakumbusha wakristo kufanya kazi, kuondoa uvivu pamoja na kumtanguliza Mungu katika maisha ya kila siku.

Askofu Bugota ametumia fursa hiyo kuwasisitiza wakristo wote kujenga utaratibu wa kumshukuru Mungu kwa kila jambo na kufanya maombi ya kuombea kizazi cha ulimwengu huu ili kukua katika maisha yanayompendeza Mungu.

“Mungu ametubariki kwa neema yake tunapokuwa kwenye maoni ni muhimu sana kukiombea kizazi ili uzao uwe na baraka jumuishi, mimi ninaamini maombi tunayofanya Mungu ataleta matokeo na majibu yake yatakuwa na baraka ambazo zitawagusa wengine”.

“Unapobarikiwa maana yake unatakiwa uwaombee na wengine wapate hizo baraka majibu ya Bwana lazima yatengeneze furaha na shangwe ambazo zitatengeneza baraka za jumla katika maisha”.amesema Askofu Bugota

Askofu Bugota amewakumbusha wakristo wote na jamii kwa ujumla kuacha dhabi na kumrudia Mungu hasa nyakati hizi kuelekea kuzaliwa kwa Yesu kristo ili aweze kujibu mahitaji ya kila mtu.

Askofu wa makanisa ya Africa Inland Church Tanzania (AICT) Dayosisi ya Shinyanga Zakayo Bugota akihubiri kwenye ibada ya Jumapili leo Desemba 18,2022.