TAARIFA YA POLEPOLE KUHUSU KUJIUZULU NAFASI YA UBALOZI

Na Mapuli Misalaba, Shinyanga

Wafanya biashara wa Soko la Ngokolo mitumbani katika Manispaa ya Shinyanga wamesema kuboreshwa kwa miundombinu mbalimbali ikiwemo vyoo na soko itawasaidia kufanya shughuli zao katika mazingira rafiki na salama.

Wameyasema hayo leo Ijumaa Aprili 28,2023 wakati wakizungumza na Misalaba Blog ambapo wamesema kuwepo kwa mazingira mazuri katika eneo la biashara ni hali inayovutia watejainawaongezea wateja.

Wameipongeza serikali ya Halmashauri ya Manispaa ya Shinyanga chini ya Mkurugenzi Dkt. Jomaary Satura, Mstahiki meya Mhe. Elias Ramadhan Masumbuko kwa kushirikiana na  mbunge wa shinyanga mjini Mhe. Paschal Patrobas katambi, kuboresha mazingira ambapo wamesema inawasaidia kuongeza kipato katika biashara zao.

Kwa upande wake katibu wa soko la Ngokolo mitumbani Charles Mtegeko amewasihi wananchi wakiwemo wafanyabiashara wa soko hilo  kutunza miundombinu ya soko pamoja na choo hicho cha kisasa ili kufikia malengo yaliyokusudiwa na serikali.

Manispaa ya Shinyanga imeendelea kuboresha na kujenga miundombinu ya vyoo na masoko katika maeneo mbalimbali ya kibiashara katika Halmashauri hiyo.