MAGAZETI YA LEO JUMAMOSI NOVEMBA 22, 2025

Mkuu wa idara ya makundi maalum SMAUJATA Taifa Bi. Sophia Kang’ombe leo ametembelea na kutoa elimu juu ya ukatili wa kijinsia kwa wanafunzi wa shule ya sekondari Town iliyopo Manispaa ya Shinyanga.

Katika ziara ya kutembelea shule hiyo Bi. Sophia Kang’ombe ameongozana na Bi. Neema Mcharo ambapo pamoja na mambo mengine wametoa elimu ya ukatili na maadili mema kwa watoto.

Mkuu wa idara ya makundi maalum katika Kampeni ya Shujaa wa Maendeleo na Ustawi wa Jamii Tanzania (SMAUJATA) Taifa Bi. Sophia Kang’ombe amewasisitiza wanafunzi wa shule ya sekondari Town kujiamini na kupaza sauti juu ya ukatili wanaokutana nao shuleni pamoja na ukatili unaoendelea katika jamii.

Amewasihi wanafunzi hao kutoa taarifa za ukatili sehemu husika ikiwemo ofisi za serikali za mitaa  pamoja na kupiga simu namba ya bure 116 ili hatua za kisheria ziweze kuchukuliwa.

Aidha mkuu huyo wa idara ya makundi maalum Taifa Bi. Sophia Kang’ombe na Bi. Neema Mcharo baada ya zoezi la elimu hiyo wametoa msaada wa vifaa vya shule ikiwemo nguo kwa wanafunzi wenye uhitaji katika shule ya sekondari Town Manispaa ya Shinyanga.

 Bi. Sophia Kang’ombe amesema zoezi la kutembelea na kutoa elimu katika maeneo mbalimbali ikiwemo taasisi za elimu ni endelevu hapa Nchini Tanzania.

Mkuu wa idara ya makundi maalum SMAUJATA Taifa Bi. Sophia Kang’ombe akitoa elimu ya ukatili na maadili kwa wanafunzi katika shule ya sekondari Town iliyopo Manispaa ya Shinyanga.

Bi. Neema Mcharo akitoa elimu juu ya ukatili kwa wanafunzi wa shule ya sekondari Town iliyopo Manispaa ya Shinyanga.

Baadhi ya wanafunzi wa shule ya sekondari Town wakisikiliza elimu juu ya ukatili na maadili mema.

Baadhi ya wanafunzi wa shule ya sekondari Town wakisikiliza elimu juu ya ukatili na maadili mema.

Mkuu wa idara ya makundi maalum SMAUJATA Taifa Bi. Sophia Kang’ombe na Bi. Neema Mcharo wakikabidhi msaada wa nguo za shule kwa baadhi ya wanafunzi katika shule ya sekondari Town iliyopo Manispaa ya Shinyanga

Mkuu wa idara ya makundi maalum SMAUJATA Taifa Bi. Sophia Kang’ombe na Bi. Neema Mcharo wakikabidhi msaada wa nguo za shule kwa baadhi ya wanafunzi katika shule ya sekondari Town iliyopo Manispaa ya Shinyanga

Baadhi ya wanafunzi wa shule ya sekondari Town wakisikiliza elimu juu ya ukatili na maadili mema.