Chama Cha Demokrasia na Maendeleo CHADEMA Mkoa wa Shinyanga kimesema Waziri Mkuu mstaafu Edward Lowassa atakumbukwa kutokana na utumishi wake uliotukuka katika kipindi chote cha uongozi wake.
Kauli hiyo imetolewa na katibu wa CHADEMA Mkoa wa Shinyanga Bi. Agatha Mamuya ambaye wakati akizungumza na Misalaba Media amesema Tanzania imempoteza kiongozi mahili na mwadilifu.
Ameeleza kuwa mchango wa hayati Lowasa katika maendeleo ya taifa ni kielelezo thabiti kwamba alikuwa kiongozi aliyejali maslahi ya watu walio wengi.
Viongozi mbalimbali wa serikali,vyama vya Siasa, taasisi za kiraia, wadau na watanzania wote kwa ujumla wameendelea kutoa salamu za rambi rambi kufuatia kifo cha Waziri Mkuu mstaafu Edward Lowasa, aliyefariki Dunia Februari 10,Mwaka huu, katika taasisi ya Moyo ya Jakaya Kikwete jijini Dar es salaam.
Post a Comment