" ZAIDI YA SHILINGI MILIONI 300 ZINATUMIKA UKARABATI NA UJENZI BARABARA KIWANGO CHA LAMI MJINI SHINYANGA

ZAIDI YA SHILINGI MILIONI 300 ZINATUMIKA UKARABATI NA UJENZI BARABARA KIWANGO CHA LAMI MJINI SHINYANGA

 Zaidi ya Shilingi Milioni 300 zitatumika katika ukarabati na ujenzi wa Barabara ikiwemo  mita 500  zitakazojengwa kwa kiwango cha lami Mjini Shinyanga,ikihusisha kipande cha kutoka Shule ya sekondari  Buluba kupitia Mahakama kuu hadi stendi ya zamani. 

Akizungumza na  leo Meneja wa TARURA Wilaya ya Shinyanga Mhandisi Samson Pamphil amesema Barabara kipande cha kutoka Buluba sekondari hadi stendi ya zamani kitakarabatiwa kwa kuzibwa mashimo.

Amefafanua  zaidi kuwa maboresho  hayo yanatakayogharimu zaidi ya shilingi Milioni 300, itajumuisha pia Barabara nyingine korofi Mjini Shinyanga kikiwemo kipande cha Empire hadi mazingira senta na Barabara ya mtaa wa Kongo eneo la benki ya Posta ambazo zitajengwa kwa kiwango cha lami.

Hatua hiyo ya ukarabati na ujenzi wa Barabara hizo  ni ahadi iliyotolewa na TARURA baada ya  Misalaba Media kutangaza taarifa ya habari Januari 24, Mwaka huu ,kuhusu wananchi waliokuwa wakilalamikia ubovu wa Barabara hizo ambao waliiomba TARURA kuchukua hatua za haraka kuondoa changamoto hiyo, na tayari utekelezaji huo umeanza kufanyika.

Kwa mujibu wa meneja wa TARURA injinia Samson Pamphil kazi ya ukarabati na ujenzi wa Barabara hizo itafanyika kwa kipindi cha miezi minne kuanzia Mwezi huu februari Mwaka 2024.

Post a Comment

Previous Post Next Post