ASKOFU MKUU WA AICT MAGWESELA AWATAKA WAZAZI KUENDELEZA KALAMA ZA WATOTO KANISANI

Uzoefu na Ubunifu: &nbsp;Timu yetu ya wataalamu ina uzoefu wa miaka mingi katika sekta ya habari na uchapishaji wa maudhui.
Ubora na Uaminifu: &nbsp;Tunajivunia kutoa huduma bora na za kuaminika kwa wateja wetu.
Upatikanaji: &nbsp;Tupo mtandaoni muda wote, tukihakikisha unapata taarifa muhimu kwa wakati.

Na Mapuli Kitina Misalaba

Askofu Mkuu wa kanisa la AICT Tanzania na Askofu wa Dayosisi ya Mwanza Mussa Magwesela amewataka Wazazi na Walezi kuwa chachu ya kukuza na kuendeleza karama za watoto katika maisha ya kanisa.

Ameyasema hayo leo wakati akihubiri kwenye ibada ya Jumapili katika kanisa la AICT Kambarage mjini Shinyanga, ambapo amesema kanisa linatambua na kuthamini karama za watoto hivyo kwa kushirikiana na wazazi na walezi, litaendelea kuibua uwezo wao na kuwaendeleza kupitia vipaji vyao.

Amesema hatua hiyo itasaidia kutimiza ndoto za watoto na kuendelea kulitumikia taifa katika misingi ya Dini.

Askofu huyo ametumia nafasi hiyo kuwakumbusha wakristo kuendelea kuishi maisha ya kumtumikia Mungu kwa utii,unyenyekevu na mapendo zaidi kuanzia ngazi ya familia, kwenye maeneo ya kazi, Biashara na shughuli mbalimbali za kijamii.