MATOKEO YA UTEUZI WA WAGOMBEA WA UDIWANI NA UBUNGE CCM I 28/07/2025

Mazishi ya aliyekuwa Paroko wa Parokia ya Ndala katika Jimbo Katoliki Shinyanga Hayati Padre Emmanuel Makolo, yatafanyika wiki ijayo siku ya Jumanne tarehe 30.04.2024, katika makaburi ya Mapadre yaliyopo Kanisa kuu Ngokolo mjini Shinyanga.

Kwa mujibu wa Katibu wa Askofu Padre Paul Mahona, mwili wa Marehemu utapokelewa mjini Shinyanga kutoka Bugando Jijini Mwanza siku ya Jumatatu tarehe 29.04.2024, katika eneo la Ibadakuli na utapelekwa moja kwa moja katika Parokia ya Ndala alipokuwa akifanya utume enzi za uhai wake kwa ajili ya Misa ya kumwombea itakayoaanza saa 5:00 asubuhi.

Misa hiyo itafuatiwa na zoezi la kutoa heshima za mwisho kwa waamini wa Parokia ya Ndala na watu wote wenye mapenzi mema na baadaye usiku kutakuwa na jumla ya Misa nne za mkesha kwa ajili ya kumwombea marehemu.
.
Mwili wa Marehemu utapelekwa katika katika Kanisa kuu Ngokolo siku ya Jumanne saa 1:00 asubuhi, ambapo waamini na watu wenye mapenzi mema watatoa heshima zao za mwisho kabla ya Misa ya mazishi ambayo itaanza saa 4:00 asubuhi.

Padre Makolo amefariki dunia siku ya Alhamisi tarehe 25.04.2024, wakati akiendelea kupatiwa matibabu katika Hospitali ya rufaa ya Kanda Bugando Jijini Mwanza.

Mungu ailaze mahali pema Mbinguni roho ya Marehemu Padre Emmanuel Makolo...Amina.