JWTZ YATANGAZA NAFASI ZA KAZI IKITOA ANGALIZO KWA MATAPELI

Mwenyekiti wa CCM Mkoa wa Shinyanga, Mhe. Mabala Mlolwa, akimkabidhi cheti chake Mbunge wa Jimbo la Ushetu, Mhe. Emmanuel Cherehani, kutokana na mchango wake katika kuwawezesha wanawake kiuchumi kupitia sera na juhudi za maendeleo katika jimbo lake.

Mkurugenzi wa Gold FM, Bi. Neema Mghen, akipokea cheti cha pongezi kutoka kwa Mwenyekiti wa CCM Mkoa wa Shinyanga, Mhe. Mabala Mlolwa, kwa mchango wake katika maendeleo ya wanawake kupitia jukwaa la Mwanamke Chuma na harakati mbalimbali za kijamii.

Na Mapuli Kitina Misalaba

Mbunge wa Jimbo la Ushetu, Mhe. Emmanuel Cherehani, pamoja na Mkurugenzi wa Gold FM, Bi. Neema Mghen, wametunukiwa vyeti maalum vya pongezi kutokana na mchango wao mkubwa katika kuwawezesha wanawake kiuchumi na kijamii.

Vyeti hivyo vimetolewa katika hafla ya uzinduzi wa Jukwaa la Wanawake Halmashauri ya Ushetu, iliyofanyika katika kata ya Ulowa, ambapo viongozi hao wametambuliwa kwa kuwa mstari wa mbele katika kubuni na kuunga mkono majukwaa yanayoongeza thamani ya mwanamke katika sekta mbalimbali.

Mhe. Cherehani ametambuliwa kwa juhudi zake za kisera na ufuatiliaji wa fursa za kiuchumi kwa wanawake wa Ushetu, huku Bi. Neema akipewa heshima hiyo kutokana na mchango wake kupitia jukwaa la Mwanamke Chuma, ambalo linaendelea kuwa sauti ya mwanamke katika nyanja mbalimbali za maendeleo.

Hafla hiyo imehudhuriwa na viongozi wa serikali, vyama vya siasa, pamoja na wanajamii waliojitokeza kuunga mkono juhudi za kuinua wanawake katika wilaya hiyo.Mwenyekiti wa CCM Mkoa wa Shinyanga, Mhe. Mabala Mlolwa, akimkabidhi cheti chake Mbunge wa Jimbo la Ushetu, Mhe. Emmanuel Cherehani, kutokana na mchango wake katika kuwawezesha wanawake kiuchumi kupitia sera na juhudi za maendeleo katika jimbo lake.Mkurugenzi wa Gold FM, Bi. Neema Mghen, akiwashukuru Wanawake kwa kutambua mchango wake huku akiwaomba kuendelea kuchangamkia fursa zinazojitokeza katika jamii.