Na Lydia Lugakila, Misalaba Media MbeyaMchungaji Geofrey Kapulya Chambo amesema kuwa njia muhimu ya kumuepusha mtoto na athari za kisaikolojia anapokuwa shuleni ni kuhakikisha analipiwa ada na mahitaji mengine ya msingi.Kauli hiyo aliitoa Novemba 29, 2025 wakati wa mahafali ya 3 ya Grepo Day Care & Nursery, baada ya kusomwa kwa taarifa ya kituo hicho na Bi Deborah Gordon ambaye ni mkuu wa shule iliyoonesha kuwa baadhi ya wazazi wanashindwa kulipia gharama za uendeshaji licha ya watoto kupata huduma kamili ikiwemo chakula na muda wa kupumzika mchana pamoja na ufundishaji wa kutumia zana mbali mbali.Akizungumza kama mgeni rasmi, Mchungaji Chambo alisema kutotimizwa kwa mahitaji ya mtoto, ikiwemo ada, kunaweza kumuathiri kisaikolojia na kumfanya akose utulivu awapo shuleni."Ili mtoto awe na baraka na akue vema, ni lazima wazazi watimize mahitaji yake yote natambua ugumu wa maisha na kusuasua kwa biashara, lakini ni muhimu kuweka kipaumbele katika kulipa ada za watoto hii inamfanya mwalimu afundishe kwa moyo licha ya kuwa ni sehemu ya wito wake,” alisema Mchungaji Chambo.Mchungaji Chambo aliongeza kuwa pamoja na changamoto hizo, anaamini walimu wataendeleza moyo wa uvumilivu na kwamba Mungu atawalipa kwa kazi yao.Katika taarifa yake, Bi. Gordon alieleza kuwa kituo hicho kilianza mwaka 2023 kikiwa na watoto wanne pekee, lakini hadi sasa kina jumla ya watoto 68 huku akitaja changamoto kubwa kuwa ni wazazi kutolipa ada kwa wakati.Licha ya changamoto hizo mkuu huyo wa kituo amesema hawajakata tamaa katika utoaji wa huduma na wameendelea kuboresha mbinu za ufundishaji ili kufanya masomo kuwa mepesi kwa watoto.Aidha, ameahidi kuendelea kuwafundisha watoto maadili ya kumjua Mungu pamoja na kutoa motisha kwa wanafunzi wanaofanya vizuri katika masomo.Hata hivyo nao baadhi ya wazazi ambao hawakutaka majina yao yatajwe wamekiri kuwepo kwa changamoto hiyo ambapo wameahidi kulifanyia kazi suala hilo Ili awamu ijayo wasonge mbele zaidi.
🥃🍶 TUMIA VINYWAJI BORA VYA EAST AFRICAN SPIRITS – BEI RAFIKI, LADHA SAFI BILA HARUFU MBAYA
Wasiliana nasi:
📍 East African Spirits (T) Ltd
📞 +255 767 650 806 | +255 652 096 254
Post a Comment