Mkuu wa Idara ya Makongamano, Utamaduni na Utalii SMAUJATA
Taifa Bwana Daniel Kapaya ametoa wito kwa wazazi na walezi kuhakikisha
wanawalinda watoto dhidi ya vitendo vya ukatili vinavyoongezeka kutokana na
matumizi mabaya ya teknolojia.
Ametoa wito huo wakati akiwa mgeni rasmi katika ofisi
ya kata ya Isaka Wilaya ya Kahama Mkoani Shinyanga, ikiwa ni sehemu ya mwendelezo wa
maadhimisho ya Siku 16 za Kupinga Ukatili.
Akizungumza na wananchi waliohudhuria mkutano huo,
kiongozi huyo ameeleza kuwa wazazi wengi wanawapa watoto uhuru usio na mipaka
wa kutumia simu, hali ambayo imekuwa ikisababisha baadhi ya watoto kujihusisha
na mazungumzo yasiyofaa kwenye mitandao kama Facebook, WhatsApp, Twitter,
Instagram na TikTok, ikiwa ni pamoja na kutuma picha zisizofaa bila kutambua
madhara yake.
Amesema kuwa malezi ya watoto yanahitaji umakini,
ukaribu na ufuatiliaji wa kila wakati ili kutambua changamoto zao mapema na
kuwajengea misingi bora ya maadili, ikiwemo kumjua Mungu na kuishi kwa hofu ya
Mungu.
“Msingi wa malezi bora unaanza nyumbani. Wazazi wakijitenga
na majukumu yao, watoto wanabaki kulelewa na mitandao,” amesema, akisisitiza
umuhimu wa wazazi kukagua simu za watoto na kufuatilia mwenendo wao wakati
wote.
Aidha, amekumbusha kuwa suala la ulinzi na usalama wa
watoto ni jukumu la jamii nzima, na kwamba yeyote anayeona viashiria au vitendo
vya ukatili anapaswa kutoa taarifa mara moja katika maeneo husika ikiwemo
Dawati la Jinsia, Idara ya Ustawi wa Jamii, ofisi za wenyeviti wa mitaa,
wanasheria, mashirika ya utetezi, au kupiga namba 116 kwa msaada wa haraka.
Amehitimisha kwa kusisitiza kuwa vita dhidi ya ukatili
haiwezi kufanikiwa bila ushirikiano wa wazazi, viongozi, na jamii kwa ujumla.
🥃🍶 TUMIA VINYWAJI BORA VYA EAST AFRICAN SPIRITS – BEI RAFIKI, LADHA SAFI BILA HARUFU MBAYA
Wasiliana nasi:
📍 East African Spirits (T) Ltd
📞 +255 767 650 806 | +255 652 096 254
Post a Comment