Baraza la Mashehe nchini limepinga vikali madai yaliyotolewa hivi karibuni, likidai kuwa limepokonywa haki zake kwa njia ya rushwa au maslahi binafsi. Wakisisitiza kuwa jukumu lao kuu ni kudumisha amani na wataendelea kupigania amani.
Katika kuelezea jukumu hilo, Mashehe wamekumbushia historia ya mchango wao katika ujenzi wa taifa na wametoa ufafanuzi wa kina kuhusu uhusiano kati ya amani na haki.
Akizungumza na chombo kimoja cha habari cha redio nchini mmoja wa Masheikh alikana vikali tuhuma kwamba viongozi wamekuwa "wapenda bahasha" na kuwa vitendo vyao vya kukosoa vurugu vimefanywa kutokana na presha ya maslahi.
"Dai la Masheikh kupewa bahasha ni kubwa, hakuna mtu yeyote aliyepewa bahasha," Shehe huyo alisisitiza.
Badala yake, Shehe aligeuza kibao na kusema, "Kama tukigeuza kibao, ni kwamba wao (wanaotuhumu) wamepewa bahasha za kubomoa nchi..."
Alikumbusha historia ya Taifa, akisema, "Watu waliotoa mali zao na kuuza mashamba yao kwa ajili ya Mwalimu Nyerere kwenda nje kuidai Tanganyika huru walikuwa ni Masheikh." alisisitiza kuwa lengo lao la msingi la kufanya hivyo ni amani ya nchi.
Kuhusu suala la kukaa kimya katika matukio nyeti, Shehe alifafanua kuwa Masheikh wamezungumza waziwazi, na walilaani masuala ya utekaji yaliyokuwa yakiripotiwa na kuomba vyombo vya dola kuchunguza kwa kina na kuwachukulia hatua wanaofanya vitendo hivyo.
"Kama Waislamu, tunalaani mambo haya (utekaji). Wanaohusika wakamatwe," alisema na kuongeza kuwa kauli hizo zipo, zimetolewa na ushahidi upo kwamba mashehe wamezungumzia sana suala hilo na kutaka hatua zichukuliwe.
Amani Si Kauli Tupu: Haki ni Tunda la Mazingira ya Amani
Akifafanua kauli tata ya kuwa "Haki ni tunda la Amani," Shehe huyo alisema huwezi kuwa na haki katika mazingira yasiyokuwa na amani.
Alitoa mfano wa nchi kama Sudan, ambapo kukosekana kwa haki hapa na pale kulionekana, lakini maamuzi ya kuitumbukiza nchi kwenye vurugu sasa hakuna haki za msingi kama za kwenda shule, afya na hata kuabudu.
Pia akirejea vipindi vya shida nchini ambapo bidhaa za kawaida kama dawa ya meno (Colgate) zilikuwa vigumu kupatikana, na ukikutwa navyo unahojiwa umevipata wapi na kuonekana ni mhujumu uchumi, wananchi wangeikabili serikali kwa mtyindo usiokuwa na subira taifa hili lingekuwa limemegeka vipande kila mahali. Subira za wananchi zimefanya kuwe na taifa linalokua kila wakati.
Alisisitiza kuwa kila shida iliyotokea katika taifa utulivu ulisaidia nchi kurudi katika hali ya kawaida.
"Haki ni mchakato. Amani ni mazingira yanayokuwezesha wewe kudai haki yako kwa amani," alifafanua.
🥃🍶 TUMIA VINYWAJI BORA VYA EAST AFRICAN SPIRITS – BEI RAFIKI, LADHA SAFI BILA HARUFU MBAYA
Wasiliana nasi:
📍 East African Spirits (T) Ltd
📞 +255 767 650 806 | +255 652 096 254
Post a Comment