MAGAZETI YA LEO ALHAMIS NOVEMBA 27, 2025

Kulia ni Ndg. Jastine Stanslaus Katunzi, Mwenyekiti wa SMAUJATA Mkoa wa Geita; katikati ni Ndg. Amos Samwel Magige, Makamu Mwenyekiti wa SMAUJATA Geita na mgeni rasmi katika mahafali ya 46 GESECO; kushoto ni Mwalimu Mkuu wa Shule ya Sekondari ya Geita (GESECO).

Na Mwandishi wetu, Misalaba Media

Mwenyekiti wa Jumuiya ya Shujaa wa Maendeleo na Ustawi wa Jamii Tanzania (SMAUJATA) mkoa wa Geita, Ndg. Jastine Stanslaus Katunzi, leo ameibua hamasa na uelewa mpya kuhusu usalama wa mtoto na mapambano dhidi ya ukatili katika Mahafali ya 46 ya Kidato cha Nne katika Shule ya Sekondari Geita (GESECO).

Katika mahafali hayo, mgeni rasmi alikuwa Makamu Mwenyekiti wa SMAUJATA Mkoa wa Geita, Ndg. Amos Samwel Magige, ambaye ameongoza hafla na baadaye kumkaribisha rasmi Ndg. Katunzi kutoa hotuba yake na kwamba tukio hilo pia limehudhuriwa na Mkuu wa Shule ya GESECO.

Katika hotuba yake Mwenyekiti Katunzi ameeleza kwa kina historia, dhamira, na majukumu ya SMAUJATA nchini, sambamba na kutoa mafunzo ya kina kuhusu usalama wa watoto, ukatili wa kijinsia, na nafasi ya jamii katika kujenga taifa linalowalinda watoto na vijana wake.

Ndg. Katunzi ameanza kwa kufafanua kuwa SMAUJATA ni jumuiya yenye misingi imara ya kusimamia ustawi, maendeleo na usalama wa jamii ya Kitanzania.

Ameeleza kuwa SMAUJATA ilianzishwa mwaka 2022 na Shujaa Sospeter Mosewe Bulugu, ikiwa na dhamira ya kukomesha matendo yote ya ukatili ikiwemo:

• Ukatili wa kijinsia
• Ukatili dhidi ya watoto
• Rushwa ya ngono
• Unyanyasaji wa kimtandao
• Ndoa za utotoni na mimba za utotoni
• Vitendo vyote vinavyodidimiza maendeleo ya jamii

Amebainisha kuwa kampeni hii ilizinduliwa rasmi 16 Juni 2022 jijini Dodoma wakati wa maadhimisho ya Siku ya Mtoto wa Afrika, ikishuhudiwa na serikali kupitia Waziri wa Maendeleo ya Jamii wa wakati huo, Dkt. Dorothy Gwajima.

Ndg. Katunzi amesisitiza kuwa SMAUJATA ni taasisi halali yenye Namba ya Usajili S.A. 23969, chini ya NGO Act CAP 337 RE 2022, na inafanya kazi kwa karibu na wizara, jeshi la polisi (Dawati la Jinsia), TAKUKURU, serikali za mtaa, pamoja na viongozi wa dini.

SMAUJATA MKOANI GEITA – KAZI INAONEKANA

Katika Mkoa wa Geita, juhudi za SMAUJATA zimekuwa za mfano, hususan katika:

• Mapambano dhidi ya mimba za utotoni
• Kukomesha ndoa za utotoni
• Kufichua rushwa ya ngono
• Kujenga uelewa mashuleni kuhusu usalama kwa wanafunzi
• Kuelimisha wazazi kuhusu malezi bora na kufuatilia mienendo ya watoto

Ndg. Katunzi amesema ofisi ya SMAUJATA mkoa imekuwa bega kwa bega na shule, vijiji na kata kuhakikisha usalama wa mtoto unakuwa kipaumbele.

Katika sehemu ya hotuba yake, Ndg. Katunzi amesisitiza kuwa wahitimu hao ni “kizazi cha sasa”, na taifa linawategemea ambapo amewataka:

1. Kulinda ndoto zao

Waepuke:

• Rushwa ya ngono
• Mimba za utotoni
• Marafiki wabaya
• Ushawishi kupitia mitandao ya kijamii

2. Kutotoa nafasi ya ukatili kukaa kimya

Amesema ukimya huwapa nguvu wahalifu wa ukatili.
Wanafunzi wametakiwa kutoa taarifa kwa:

• Walimu
• Dawati la Jinsia
• Ustawi wa Jamii
• Viongozi wa SMAUJATA

3. Kutumia mitandao kwa uadilifu

Ameonya kuwa mazungumzo ya kubadilishana picha zisizofaa, udanganyifu mitandaoni, na vishawishi wakati mwingine vya fedha vimeharibu maisha ya vijana wengi.

4. Kujituma kielimu na kujiamini

Amesema Tanzania inahitaji vijana wenye maadili, weledi na uwezo wa kushindana.

Ndg. Katunzi amewataka wazazi na walimu kuwa mstari wa mbele katika kulinda watoto, ikiwa ni pamoja na:

• Kuwafuatilia watoto kimtandao
• Kuwafundisha maadili mema
• Kuchukua taarifa za ukatili kwa uzito
• Kuwa mfano wa tabia nzuri

Amesema usalama wa mtoto ni jukumu la jamii nzima, na ushirikiano kati ya wazazi, walimu, viongozi na SMAUJATA ni muhimu.

Baada ya hotuba hiyo, mgeni rasmi Ndg. Amos Samwel Magige amesimama na kusisitiza umuhimu wa ujumbe uliotolewa na Mwenyekiti Katunzi, akiwataka wahitimu, wazazi na walimu kuchukua hatua za kuyatekeleza kwa vitendo.

Magige aliipongeza SMAUJATA kwa kazi kubwa ya kuijenga jamii yenye usalama na uadilifu, akiahidi kuendelea kutoa ushirikiano kwenye mkoa na taifa kwa ujumla.

Ndg. Katunzi amewatakia wahitimu safari njema ya maisha baada ya kuhitimu, akisisitiza kauli mbiu ya SMAUJATA:

“JIFUNZE, LINDA, TOA TAARIFA – UKATILI HAUPASWI KUVUMILIWA!”

Amehitimisha kwa kuwaombea baraka Geita, wazazi, walimu, wanafunzi na Tanzania kwa ujumla.

🥃🍶 TUMIA VINYWAJI BORA VYA EAST AFRICAN SPIRITS – BEI RAFIKI, LADHA SAFI BILA HARUFU MBAYA

Wasiliana nasi:
📍 East African Spirits (T) Ltd
📞 +255 767 650 806 | +255 652 096 254