MKANDARASI AKUMBUSHWA KUONGEZA KASI UJENZI WA BARABARA YA KWENDA HOSPITALI YA RUFAA SHINYANGA

Uzoefu na Ubunifu: &nbsp;Timu yetu ya wataalamu ina uzoefu wa miaka mingi katika sekta ya habari na uchapishaji wa maudhui.
Ubora na Uaminifu: &nbsp;Tunajivunia kutoa huduma bora na za kuaminika kwa wateja wetu.
Upatikanaji: &nbsp;Tupo mtandaoni muda wote, tukihakikisha unapata taarifa muhimu kwa wakati.

Wananchi wa Mtaa wa Luhende, Manispaa ya Shinyanga, wamemtaka mkandarasi anayetekeleza ujenzi wa barabara ya kiwango cha lami kutoka mjini Shinyanga kupitia Kata ya Ndala kuelekea Hospitali ya Rufaa ya Mkoa wa Shinyanga kuongeza kasi ya kazi ili mradi huo ukamilike kwa wakati na kuondoa adha wanazokabiliana nazo.

Akizungumza na Gold FM, Mwenyekiti wa Mtaa wa Luhende, Msafiri Nadula, amesema kuchelewa kwa utekelezaji wa mradi huo kumesababisha usumbufu kwa wananchi, huku shughuli za biashara katika maeneo yanayopitiwa na barabara hiyo zikiathirika kwa kiasi kikubwa.

Baadhi ya wafanyabiashara wanaofanya shughuli zao kando ya barabara hiyo wamesema tangu kuanza kwa ujenzi wamekuwa wakikosa wateja kutokana na mazingira ya vumbi, mashimo na mabadiliko ya njia za kupita, hali iliyosababisha mitaji yao kudorora.

Wakazi wa maeneo hayo wameendelea kuunga mkono utekelezaji wa mradi huo kwa kuwa utaleta maendeleo ya muda mrefu, lakini wameendelea kuiomba Serikali na mkandarasi kuhakikisha kazi zinafanyika kwa kasi ili kupunguza athari zinazowakabili kwa sasa.