NAIBU WAZIRI WA MAJI AHIDI KUTAFUTWA CHANZO KIPYA CHA MAJI KABANGA

Uzoefu na Ubunifu: &nbsp;Timu yetu ya wataalamu ina uzoefu wa miaka mingi katika sekta ya habari na uchapishaji wa maudhui.
Ubora na Uaminifu: &nbsp;Tunajivunia kutoa huduma bora na za kuaminika kwa wateja wetu.
Upatikanaji: &nbsp;Tupo mtandaoni muda wote, tukihakikisha unapata taarifa muhimu kwa wakati.

NAIBU Waziri wa Maji, Mhandisi Kundo Andrew Mathew, amesema Serikali itaendelea kuchukua hatua za kuboresha upatikanaji wa maji safi na salama kwa wananchi wa Kata ya Kabanga, wilayani Ngara, mkoani Kagera, ikiwemo kutafuta chanzo kipya cha maji ili kukidhi mahitaji ya wananchi.

Akizungumza na wananchi wa Kabanga, Mhandisi Kundo amesema Serikali imepeleka mradi wa maji wenye thamani ya Sh milioni 120 katika kata hiyo, huku mradi mwingine wenye thamani ya Sh milioni 300 ukiwa sehemu ya juhudi za kuimarisha upatikanaji wa huduma hiyo muhimu.

Amesema Serikali pia itafanyia kazi changamoto ya mabomba chakavu yanayopasuka na kusababisha upotevu wa maji, akisisitiza umuhimu wa kuboresha miundombinu ya usambazaji ili wananchi wanufaike na huduma hiyo kwa uhakika.

Aidha, amewataka wananchi kushirikiana na Serikali katika kulinda miundombinu na vyanzo vya maji ili kuhakikisha miradi inayotekelezwa inadumu na kutoa huduma kwa muda mrefu.

Amesema fedha zinazotumika kutekeleza miradi ya maendeleo zinatokana na kodi za wananchi, hivyo ni wajibu wa kila mmoja kulinda na kutunza miradi hiyo kwa manufaa ya jamii.

Mhandisi Kundo ameongeza kuwa Serikali inaendelea kutekeleza miradi ya maji katika vijiji mbalimbali vya Wilaya ya Ngara kwa lengo la kuboresha maisha ya wananchi na kuchochea shughuli za kiuchumi, zikiwemo biashara na shughuli za kila siku za kaya.