PICHA: CHAMA CHA WALIMU TANZANIA (CWT) MANISPAA YA SHINYANGA KIMEADHIMISHA SIKU YA MWALIMU DUNIANI KWA KUKUZA UMOJA NA MSHIKAMANO

Na Mapuli Kitina Misalaba

Chama cha Walimu Tanzania (CWT) Manispaa ya Shinyanga kimeadhimisha Siku ya Mwalimu Duniani kwa kukutanisha walimu na viongozi wa chama hicho katika hafla iliyolenga kuimarisha umoja, mshikamano na mahusiano mema miongoni mwa walimu.

Maadhimisho hayo yamehudhuriwa na viongozi mbalimbali wa CWT, akiwemo Mwakilishi wa Walimu Wanawake Wilaya, Bi. Rose Mabana, ambaye ameambatana na viongozi wa Kamati ya Jinsia na Walimu Wanawake wa Manispaa ya Shinyanga, wakiongozwa na Mwenyekiti wa kamati hiyo, Bi. Subira Kuhenga, pamoja na Mweka Hazina, Bi. Stella Halimoja.

Mgeni rasmi katika hafla hiyo ni Mwenyekiti wa CWT Manispaa ya Shinyanga, Bwana Meshack Mashigala, ambaye ameungana na walimu wengine kushiriki katika maadhimisho hayo yaliyokuwa na lengo la kuwakutanisha walimu nje ya majukumu yao ya kila siku ya ufundishaji.

Katika hafla hiyo, walimu wamepata fursa ya kuonesha vipaji na uwezo wao katika shughuli mbalimbali nje ya taaluma ya ualimu. Shughuli hizo zimetoa nafasi kwa walimu kubadilishana uzoefu, kufahamiana zaidi na kuimarisha mahusiano yao katika mazingira ya kijamii na kikazi.

Aidha, hafla hiyo imehusisha zoezi la kukata keki na kula pamoja, ikiwa ni sehemu ya kusherehekea siku hiyo muhimu kwa walimu na kuendeleza hali ya umoja na mshikamano miongoni mwao.

Maadhimisho hayo yameandaliwa na kuratibiwa na Kamati ya Jinsia na Walimu Wanawake ya CWT Manispaa ya Shinyanga, ambayo imeratibu shughuli mbalimbali zilizowakutanisha walimu katika kuadhimisha siku hiyo.

Siku ya Mwalimu Duniani huadhimishwa kila mwaka Oktoba 5, kwa lengo la kutambua mchango wa walimu katika elimu na maendeleo ya jamii, pamoja na kuhamasisha juhudi za kuboresha mazingira ya kazi na hadhi ya taaluma ya ualimu.

Kupitia maadhimisho hayo, walimu wamepata fursa ya kuendeleza mshikamano na kutambua umuhimu wa kushirikiana katika kutekeleza majukumu yao ya kila siku ya kutoa elimu na kujenga msingi wa maendeleo ya jamii.

Walimu wa CWT Manispaa ya Shinyanga wakiburudika kwa nyimbo na ngoma mbalimbali wakati wa maadhimisho ya Siku ya Mwalimu Duniani.

Zoezi la kuimba wimbo maalum wa walimu likiendelea kama sehemu ya salamu zao wakati wa maadhimisho ya Siku ya Mwalimu Duniani ya CWT Manispaa ya Shinyanga.

Mwenyekiti wa CWT Manispaa ya Shinyanga, Bwana Meshack Mashigala, akiwa katika maadhimisho ya Siku ya Mwalimu Duniani kama mgeni rasmi.

Walimu wa CWT Manispaa ya Shinyanga wakiburudika kwa nyimbo na ngoma mbalimbali wakati wa maadhimisho ya Siku ya Mwalimu Duniani.

Walimu wa CWT Manispaa ya Shinyanga wakiwa ukumbini wakati wa maadhimisho ya Siku ya Mwalimu Duniani.

Walimu wa CWT Manispaa ya Shinyanga wakiburudika kwa nyimbo na ngoma mbalimbali wakati wa maadhimisho ya Siku ya Mwalimu Duniani.

Viongozi wa CWT Manispaa ya Shinyanga wakiwa pamoja katika picha ya pamoja.

Picha ya pamoja ya baadhi ya walimu waliohudhuria maadhimisho ya Siku ya Mwalimu Duniani Manispaa ya Shinyanga.

Walimu wa CWT Manispaa ya Shinyanga wakiwa ukumbini wakati wa maadhimisho ya Siku ya Mwalimu Duniani.

Mweka Hazina wa Kamati ya Jinsia na Walimu Wanawake CWT Manispaa ya Shinyanga, Bi. Stella Halimoja, akizungumza.

Mweka Hazina wa Kamati ya Jinsia na Walimu Wanawake CWT Manispaa ya Shinyanga, Bi. Stella Halimoja, akizungumza kuelekea kwenye zoezi la Keki.

Keki ya Teachers day

Mwakilishi wa Kamati ya Jinsia na Walimu Wanawake Wilaya, Bi. Rose Mabana, Mwenyekiti wa Kamati hiyo CWT Manispaa ya Shinyanga, Bi. Subira Kuhenga, pamoja na Mweka Hazina, Bi. Stella Halimoja, wakikata keki kwa pamoja wakati wa maadhimisho ya Siku ya Mwalimu Duniani yaliyofanyika Manispaa ya Shinyanga.