MCHUNGAJI LUGEMBE AWAASA WAKRISTO KUTOKATISHWA TAMAA NA CHANGAMOTO ZA MAISHA

Uzoefu na Ubunifu: &nbsp;Timu yetu ya wataalamu ina uzoefu wa miaka mingi katika sekta ya habari na uchapishaji wa maudhui.
Ubora na Uaminifu: &nbsp;Tunajivunia kutoa huduma bora na za kuaminika kwa wateja wetu.
Upatikanaji: &nbsp;Tupo mtandaoni muda wote, tukihakikisha unapata taarifa muhimu kwa wakati.

Na Mapuli Misalaba, Shinyanga

Mchungaji Charles Lugembe wa Kanisa la AICT Kambarage mjini Shinyanga amewaasa wakristo kutokatishwa tamaa na changamoto mbalimbali zinazojitokeza katika maisha yao,ikiwemo mateso yanayosababishwa na magonjwa na sababu nyingine.

Ameyasema hayo leo wakati akihubiri katika ibada ya Jumapili iliyofanyika katika Kanisa la AICT Kambarage mjini Shinyanga ambapo amewataka waumini hao kuwa wavumilivu na kutokatishwa tamaa na changamoto zozote zinazojitokeza mbele yao.

Amewaasa waaumini hao kuendelea kumcha Mungu na kusimama katika Imani kama njia ya kuufikia ufalume wa Mungu.

Mchungaji Lugembe ameeleza kuwa zipo njia mbalimbali zinazomuwezesha mkristo kuwasiliana na Mungu ikiwemo kupitia mafundisho ya Kanisa.

Kwa upande wao waumini wa Kanisa hilo wamesema kupitia ibada mbalimbali wanazoshiriki Kanisani hapo imekuwa ikiwasaidia kuwa na Imani thabiti lakini pia kupata Baraka za Mungu.