MAGAZETI YA LEO ALHAMIS NOVEMBA 27, 2025

Na Mapuli Misalaba, Shinyanga

Baraza la waislamu BAKWATA Wilaya ya Shinyanga limesema Sikukuu ya Eid El fitr inatarajiwa kufanyika kesho ijumaa au jumamosi kulingana na mwandamo wa Mwezi utakavyokuwa.

Kwa mujibu wa sheikh wa Wilaya ya Shinyanga Soud Suleiman kategile amesema sikukuu ya eid el fitr inategemea zaidi kuandama kwa mwezi,hivyo  huenda ikawa kesho ijumaa au kesho kutwa jumamosi

Sheikh kategile amesema swala ya Eid itaswaliwa kiwilaya katika uwanja wa sabasaba kambarage Mjini Shinyanga,ambapo ametoa wito kwa waamini wote wa dini ya kislaamu kushiriki ibada hiyo muhimu.

Sheikh soud kategile ameeleza kuwa Baraza la Eid el fitr litafanyika kwenye ukumbi wa Mikutano uliopo CCM Mkoa wa shinyanga NSSF ya zamani,majira ya saa kumi jioni, na kwamba mgeni rasmi atakuwa Mbunge wa jimbo la Shinyanga Mjini naibu waziri ofisi ya waziri Mkuu kazi,vijana,ajira na wenye ulemavu Mhe. Paschal Patrobas Katambi.

Sheikh huyo ametoa wito kwa waumini wa dini hiyo kutumia mafundisho waliyopata kwenye mwezi mtukufu wa ramadhani kuendelea na ibada pamoja na kuishi maisha yenye kumpendeza Mungu.