MAGAZETI YA LEO ALHAMIS NOVEMBA 27, 2025

Na Mapuli Kitina Misalaba

 Utoaji wa Chanjo katika kampeni ya kitaifa ya Chanjo ya Surua Rubella unatarajiwa kuanza kesho Alhamis Februari 15 hadi 18 katika vituo vya kutolea huduma ya Chanjo na maeneo maalum ambayo yameandaliwa.

Zoezi hilo litafanyika kwa siku Nne ambapo katika Wilaya ya Shinyanga  watoto 93376 wenye umri wa Miezi tisa hadi Miaka mitano  watapatiwa chanjo ya Surua Rubella na kwamba kati ya hao Halmashauri ya Manispaa ya Shinyanga ni jumla ya watoto 24024 hudu Halmashauri ya Wilaya ya Shinyanga ni watoto 69352.

Kikao cha kamati ya Afya ya msingi na wadu wa Afya kutoka kwenye Halmashauri ya Manispaa ya Shinyanga na Halmashauri ya Wilaya ya Shinyanga  kimefanyika leo kwenye  ukumbi wa mikutano ofisi ya mkuu wa Wilaya ya Shinyanga kwa ajili ya maandalizi ya kampeni hiyo ya Chanjo ya Surua na Rubella Wilaya ya Shinyanga.

Akizungumza katika kikao hicho Mratibu wa chanjo kutoka Halmashauri ya Wilaya ya  Shinyanga Mwantanga Shaaban amesema chanjo hiyo ni kwa ajili ya watoto wote wenye umri wa miezi tisa hadi chini ya miaka mitano na kwamba lengo kuu ni kuzuia kuenea kwa ugonjwa wa Surua na Rubella.

Ametaja lengo lingine kuwa ni kuongeza kinga kwa walengwa kama wameshapata Chanjo katika utaratibu wa kawaida wa kutoa huduma za Chanjo huku akiwasisitiza wazazi na walezi kuhakikisha wanawapeleka watoto kupata chanjo hiyo.

Akizungumza kwa niaba ya  mkuu wa Wilaya ya Shinyanga, Mkuu wa Wilaya ya Kishapu Mhe. Joseph Mkude, amesisitiza zoezi hilo kufanyika kwa ufanisi ili liweze kuleta tija ambapo amewahimiza wakurugenzi wa Halmashauri hizo kushirikiana na wataalam wa afya katika kufanikisha kampeni ya chanjo ya Surua Rubella.

Kwa upande wake Mstahiki Meya wa Manispaa ya Shinyanga Mhe. Elias Ramadhan Masumbuko amesema ni muhimu zoezi hilo lifanyike kwa kasi ili kufikia malengo yaliyokusudiwa.

Surua ni ugonjwa unaosababishwa na virus vinavyoenezwa kwa njia ya hewa ambapo dalili za ugonjwa huo ni pamoja na Homa, Mafua, Kikohozi, Macho kuwa mekundu na kutoa majimaji na vipele vidogo vidogo ambavyo huanza kwenye paji la uso, nyuma ya Masikio na kusambaa usoni na Mwili mzima.

Ugonjwa wa Surua hukingwa kwa Chanjo ya Surua, Chanjo hiyo hutolewa dozi mbili mtoto anapofikisha umri wa miezi 9 hadi 18.

Rubella ni ugonjwa unaosababishwa na Virusi vya Rubella na kuenezwa kwa njia ya hewa ambapo mara nyingi huwapata watoto wadogo ingiwa unaweza kumpata mtu wa umri wowote.

Aidha Surua na Rubella ni magonjwa yanayoweza kukingwa kwa Chanjo na kwamba magonjwa hayo husababisha madhara mbalimbali kwa afya za watoto walio na umri chini ya miaka mitano na hata vifo.

Mkuu wa Wilaya ya Kishapu Mhe. Joseph Mkude akizungumza kwa niaba ya mkuu wa Wilaya ya Shinyanga, kwenye kikao cha kamati ya Afya ya msingi na wadau   kwa ajili ya maadalizi ya Chanjo ya Surua na Rubella Wilaya ya Shinyanga.

Mkuu wa Wilaya ya Kishapu Mhe. Joseph Mkude akitoa maelekezo kwa niaba ya mkuu wa Wilaya ya Shinyanga, kwenye kikao cha kamati ya Afya ya msingi na wadau   kwa ajili ya maadalizi ya Chanjo ya Surua na Rubella Wilaya ya Shinyanga.

Mratibu wa chanjo kutoka Halmashauri ya Wilaya ya  Shinyanga Mwantanga Shaaban akieleza umuhimu wa Chanjo ya Surua na Rubella.

Katibu tawala wa Wilaya ya Shinyanga akizungumza kwenye kikao hicho.

Viongozi mbalimbali wakiwa kwenye kikao hicho.

Kikao cha kamati ya Afya ya msingi na wadau  wa Afya kikiendela katika leo Jumatano Februari 14,2024 katika ukumbi wa mikutano ofisi ya mkuu wa Wilaya ya Shinyanga ikiwa lengo ni kwa ajili ya  maadalizi ya Chanjo ya Surua na Rubella inayotarajiwa kuanza kesho.

Mganga mkuu wa Wilaya ya Shinyanga Dkt. Elisha Robert akiwa kwenye kikao hicho leo.

Kikao cha kamati ya Afya ya msingi na wadau  wa Afya kikiendela katika leo Jumatano Februari 14,2024 katika ukumbi wa mikutano ofisi ya mkuu wa Wilaya ya Shinyanga ikiwa lengo ni kwa ajili ya  maadalizi ya Chanjo ya Surua na Rubella inayotarajiwa kuanza kesho.