MAGAZETI YA LEO ALHAMIS NOVEMBA 27, 2025

 

Na Moshi Ndugulile

Kampeini ya kitaifa ya chanjo ya Surua na Rubella itaanza kesho Februari 15  hadi februari 18,2024 ambapo jumla ya  watoto  93,376  wenye umri wa Miezi tisa hadi chini ya miaka mitano Wilayani Shinyanga, watapatiwa  chanjo  hiyo ambayo imelenga kuzuia kuenea kwa ugonjwa huo

 

Kampeni hiyo ya kitaifa ya Chanjo ya Surua na Rubella itafanyika kwa siku Nne kuanzia kesho   Februari 15,2024 katika vituo vya kutolea huduma ya Chanjo, pamoja na  maeneo maalum ambayo yameandaliwa.

 

Katika hotuba yake Mkuu wa Wilaya ya Shinyanga Johari Samizi  kwa wajumbe wa kamati ya msingi ya Afya ya Wilaya ya Shinyanga iliyowasilishwa kwa niaba yake na Mkuu wa Wilaya ya Kishapu Joseph Mkude, amewasisitiza waratibu wa chanjo kwa kushirikiana na wakurugenzi watendaji wa halmasauri kusimamia zoezi hilo ili liweze kufanyika kwa ufanisi na  kuleta tija.

 

Akizungumza katika kikao hicho Mratibu wa chanjo kutoka Halmashauri ya Wilaya ya Shinyanga Mwantanga Shaaban amewataka wazazi na walezi kuhakikisha wanawapeleka watoto kupata chanjo hiyo ambayo ni fursa inayolenga kuongeza kinga kwa walengwa.

 

Kwa upande wake mstahiki meya wa Manispaa ya Shinyanga Elias Masumbuko amesisitiza uhamasishaji kufanyika kwa kasi ili kuwafikia walengwa wote waliokusudiwa.

Jumla ya Watoto 93,376 wanatarajiwa kupata Chanjo hiyo ya Surua na  Rubela ambapo 24,024 kati yao wanapatikana  katika Manispaa ya Shinyanga huku  69,352  wapo katika halmashauri ya Wilaya ya Shinyanga.

Surua ni ugonjwa unaosababishwa na virus vinavyoenezwa kwa njia ya hewa,ambapo dalili zake ni pamoja na homa,mafua,kikohozi,macho kuwa mekundu na kutoa maji maji na vipele vidogo vidogo ambavyo huanzia kwenye paji la uso,nyuma ya masikio na kisha kusambaa usoni na mwili mzima.

Aidha Rubella ni ugonjwa unaosababishwa na virusi vya Rubella na kuenezwa kwa njia ya hewa ambapo mara nyingi huwapata watoto wadogo ingawa unaweza kumpta Mtu wa umri wowote,na kwamba dalili zake hufanana na dalili za ugonjwa wa surua

Ugonjwa wa Surua hukingwa kwa chanjo ya surua ambayo hutolewa dozi mbili pale Mtoto anapotimiza umri wa miezi 9 na miezi 18.

Mkuu wa Wilaya ya Kishapu Mhe. Joseph Mkude akizungumza kwa niaba ya mkuu wa Wilaya ya Shinyanga ambaye yuko kwenye majukumu mengine ya kikazi.  

 

Mratibu wa chanjo Halmashauri ya Wilaya ya  Shinyanga Mwantanga Shaaban akizungumza katika kikao hicho cha kamati ya Afya ya msingi ya Wilaya ya Shinyanga.

Kikao cha kamati ya Afya ya Msingi kikiendelea. 

Mganga Mkuu wa Wilaya ya Shinyanga Dkt. Elisha Robert akiwa kwenye kikao hicho leo.

Kikao cha kamati ya Afya ya Msingi kikiendelea.