Wananchi wa Manispaa ya Shinyanga wamesema maadhimisho ya siku ya Redio Duniani iwe ni kielelezo kwa waandishi wa habari na watangazaji wa vituo hivyo kuandaa maudhui yanayogusa maslahi ya wananchi.
Wameyasema hayo leo wakati wakizungumza kwa nyakati tofauti wakati wakizungumza na Misalaba Media ikiwa ni maadhimisho ya siku ya Redio Duniani ambapo wamesema Redio ni daraja la kuleta suluhu katika utatuzi wa changamoto mbalimbali zilizopo katika jamii.
Wamewataka waandishi wa habari na watangazaji katika vyombo hivyo kuandaa taarifa na vipindi bora vyenye maudhui yatakayosaidia kuibua changamoto zilizopo katika jamii ili ziweze kupata ufumbuzi.
Wamepongeza uwepo wa vyombo hivyo ambapo vimekuwa vikiwawazesha wananchi kupata taarifa zinazoelisha kuhusu masuala mbalimbali ya kijamii kwa kuzingatia mila, desturi na tamaduni za jamii husika.
Leo ni maadhimisho ya siku ya Redio Duniani ambayo huadhmishwa kila Mwaka ifikapo februari 13 ambapo kauli mbiu ya mwaka huu 2024 inasema: “Redio: Karne ya kuhabarisha, kuburudisha na kuelimisha.”
Post a Comment