Barick mfano wa kuigwa kwenye kuinua sekta ya elimu Nchini

Uzoefu na Ubunifu: &nbsp;Timu yetu ya wataalamu ina uzoefu wa miaka mingi katika sekta ya habari na uchapishaji wa maudhui.
Ubora na Uaminifu: &nbsp;Tunajivunia kutoa huduma bora na za kuaminika kwa wateja wetu.
Upatikanaji: &nbsp;Tupo mtandaoni muda wote, tukihakikisha unapata taarifa muhimu kwa wakati.

Edwin Soko

Kahama, Shinyanga

Kampuni ya madini ya Barrick imekuwa mstari wa mbele kwenye kusogeza mbele mustakabali wa elimu Kwa kupitia ubia na Twiga.

Rais na Afisa Mtendaji Mkuu wa Barrick Mark Bristow alisema hayo kwenye mkutano wake na Vyombo vya habari kueleza mafanikio ya awamu wa pili ya Mwaka 2025 uliofanyika kwenye mgodi wa Bulyanhulu, Wilaya ya Kahama, Mkoa wa Shinyanga wiki iliyopita.

Bristow alibainisha kuwa, Barrick kupitia ubia na Twiga Kwa pamoja wamewekeza dola milioni 30 Kati ya Barrick na Serikali ya Tanzania kupitia ofisi ya Rais . Mpango huo unalenga kupanua miundombinu ya shule Nchini.

Aliongeza kuwa, mpango huo sasa upo kwenye awamu ya pili , unatarajiwa kuwapatia vyumba vya madarasa wanafunzi zaidi ya 45,000.

Naye Meneja wa Nchi Tanzania Melkiory Ngido alibainisha kuwa, Kampuni ya Barrick imeendelea pia kutekeleza miradi mbalimbali chini ya mpango wa kusaidia jamii(CSR) na jamii kunufaika kwenye maeneo mbalimbali kama ujenzi wa barabara ya Kahama hadi kakola Kwa kiwango Cha lami Kwa kilomita 73 .

Ngido ameweka bayana kuwa ubia na Kampuni ya Twiga umesaidia kwenye kupunguza matukio ya kiusalama na sasa hali ni shwari tofauti ilivyokuwa mwanzo.