Na, Egidia Vedasto,
Misalaba Media, Arusha.
Waziri Mkuu Dkt. Mwigulu Nchemba ametoa rai kwa wananchi kukataa kushawishiwa kufanya maandamano kama yaliyofanyika Oktoba 29, 2025 na kuepuka kuigawa nchi na kurudisha nyuma maendeleo yao na Taifa kwa ujumla.
Akizungumza na wananchi wa wilaya ya Arumeru Jijini Arusha katika kituo cha polisi Kikatiti kilichochomwa moto Novemba 29 kwenye maandamano, amesema wasiwasikilize wanaharakati kwani wana lengo la kuharibu amani ya nchi iliyotengenezwa na kudumu kwa miaka mingi.
"Msikubali kushawishiwa na wanaharakati wanaokaa nje ya nchi, maana madhara yakitokea wao na watoto wao wanakuwa salama. Tazama mmechoma kituo cha polisi mlichojenga wenyewe je, mtapata wapi huduma? Amkeni ndugu zangu hapa ndo nyumbani hatuna pa kwenda" Amesema.
Katika namna hiyohiyo ametembelea mahakama ya mwanzo Maji ya chai na kituo cha mafuta cha Total Energies vyote vikiwa ni miongoni mwa mali zilizochomwa katika vurugu za uchaguzi mkuu.
Amesisitiza amani na utulivu ili shughuli za maendeleo ziendelee kama ilivyokuwa hapo awali"ikumbukwe nchi yetu ni ya kwanza Afrika kwa uzalishaji wa madini ya Uranium na ya tisa duniani, hivyo watu wabaya wanatamani kutuyumbisha iki wachukue madini yetu"amesisitiza.
Sambamba na hayo amewataka watumishi kusikiliza kero za wananchi na kuzitatua, kuwa na kauli nzuri kwa wateja na kutatua changamoto zao kwa wateja.
Vile vile Mwigulu amesema kuwa Rais wa Jamhuri ya Muungano wa Tanzania Samia Suluhu Hassan ametoa maelekezo kwa wizara ya vijana kupita katika vijiwe vyao na kukusanya maoni ili waangalie namna ya kuwasaidia kuinua uchumi wa vijana hao.
Kwa upande wake Mkuu wa mkoa Arusha CPA Makalla amesema hali ya utulivu na usalama katika mkoa wa Arusha umeimarishwa na watalii wanaendelea kuingia licha ya kwamba ni kipindi cha kupungua wageni "low season".
Katika hotuba yake CPA Makalla ametoa onyo kali kwa wanaojiandaa kufanya maandamano kwamba haitakubalika. Hata hivyo amesisitiza jeshi la polisi kutekeleza majukumu yao ya kulinda raia na mali zao ipasavyo.
🥃🍶 TUMIA VINYWAJI BORA VYA EAST AFRICAN SPIRITS – BEI RAFIKI, LADHA SAFI BILA HARUFU MBAYA
Wasiliana nasi:
📍 East African Spirits (T) Ltd
📞 +255 767 650 806 | +255 652 096 254
Post a Comment