Mmiliki WA shule ya awali na msingi Mbeya Bright stars Bi Salome Isack akizungumza katika mahafali ya 7 ya shule hiyoNa Lydia Lugakila, Misalaba Media MbeyaMkuu wa Shule ya awali na Msingi ya Mbeya Bright Stars, Bi. Salome Isack, amesema tangu kuanzishwa kwa shule hiyo wamekuwa wakitoa kipaumbele kwa lishe bora na usalama wa wanafunzi, ikiwa ni pamoja na kuhakikisha watoto hawakabidhiwi ovyo njiani wanaporejea nyumbani bali husindikizwa mpaka kwenye milango ya makazi yao.Bi. Isack aliyasema hayo Novemba 29, 2025 katika mahafali ya 7 ya wanafunzi wa elimu ya awali wa shule hiyo ya Bright Stars, ambayo yalihudhuriwa na wazazi, walezi, kamati ya shule na walimu. Hafla hiyo ilitawaliwa na shangwe baada ya wahitimu kuonyesha umahiri mkubwa katika kujieleza kwa lugha ya Kiingereza na Kiswahili fasaha.Bi Isack amesema kuwa pamoja na kujali afya za wanafunzi, shule inaendelea kuzingatia utoaji wa elimu bora pamoja na kuwapa mapumziko ya kutosha wanafunzi sambamba na kuwashirikisha wanafunzi katika michezo mbalimbali.Akizungumzia ulinzi na usalama wa watoto, mkuu huyo wa shule ameongeza kuwa shule imeimarisha mfuomo huo kutokana na mfululizo wa matukio ya uhalifu yanayoendelea kuripotiwa katika jamii ikiwemo utekaji na ukatili dhidi ya watoto.Kuhusu mbinu za ufundishaji, amesema hutumia viwezeshi na nyenzo mbalimbali zikiwemo vitabu vya kutosha vya ziada na kiada ili kuhakikisha wanafunzi wanapata maarifa sahihi kulingana na mwongozo wa wizara.Naye Mkurugenzi wa Shule ya Lwekebu Day Care iliyopo Iwambi, Mbeya, Bi. Bupe Mdong'ara, amewashukuru wazazi kwa kuendelea kuamini taasisi hiyo, akisema maarifa yao yamechangia kuinua hadhi ya kituo. Pia Bi Bupe amechangia shilingi laki moja kuunga mkono juhudi za maendeleo ya shule.Awali, taarifa ya shule iliyosomwa na mmoja wa walimu ilibainisha changamoto ya ukosefu wa bwalo la chakula.Akijibu Risala hiyo, mgeni rasmi katika mahafali hayo, Bwana Frances Mgasa, ameahidi kuchangia mifuko 20 ya saruji ili kuanzisha ujenzi wa msingi wa bwalo hilo. Baadhi ya wazazi na walezi nao walichangia fedha kupitia harambee maalumu iliyoandaliwa katika mahafali hayo.Mgasa amewataka wazazi kuendelea kushirikiana kikamilifu na shule ili izidi kuandaa vijana bora wa taifa la kesho.
🥃🍶 TUMIA VINYWAJI BORA VYA EAST AFRICAN SPIRITS – BEI RAFIKI, LADHA SAFI BILA HARUFU MBAYA
Wasiliana nasi:
📍 East African Spirits (T) Ltd
📞 +255 767 650 806 | +255 652 096 254
Post a Comment