Katika hatua ya kuimarisha tunu za taifa na kulinda misingi ya maadili, Serikali imetangaza mkakati mpya wa kuboresha ustawi wa wazee nchini. Hatua hiyo hailengi tu kutoa huduma za kijamii, bali pia kutambua nafasi ya wazee kama daraja muhimu la hekima na ushauri kwa vijana na vizazi vijavyo.
Akizungumza katika hafla ya kukutana na wazee hivi karibuni, Naibu Waziri wa Maendeleo ya Jamii, Jinsia, Wanawake na Makundi Maalum, Mhe. Mhandisi Maryprisca Mahundi, amesisitiza kuwa wazee ni maktaba hai ya taifa. Amesema kuwa kupitia uzoefu wao wa miongo mingi, taifa linaweza kujifunza uzalendo na uadilifu ambao ni nguzo muhimu katika ujenzi wa uchumi na amani.
Katika kuelekea lengo hilo, Serikali imeahidi kuendelea kuweka mazingira rafiki yatakayowawezesha wazee kushiriki kikamilifu katika shughuli za kijamii. Hii ni pamoja na kuimarisha bima za afya, kutoa kipaumbele katika huduma za hospitali, na kuhakikisha mifumo ya hifadhi ya jamii inamgusa kila mzee, ili kuwaondolewa adha ya maisha na kuwapa utulivu wa kutoa miongozo kwa jamii.
Mhe. Mahundi amebainisha kuwa chini ya uongozi wa Rais Dkt. Samia Suluhu Hassan, wizara imejipanga kuhakikisha kuwa klabu za wazee na mabaraza ya ushauri yanakuwa na sauti yenye nguvu. Amesema, "Mzee asiyeshiriki kutoa hekima yake ni sawa na kitabu kilichofungwa ambacho hakisomwi; tunataka hekima hizi ziwafikie vijana wetu ili waweze kukua katika misingi ya nidhamu na utaifa."
Kwa upande wao, baadhi ya wazee wameipongeza Serikali kwa kutambua thamani yao zaidi ya umri walionao. Wamesisitiza kuwa utayari wa Serikali kuwasikiliza unawapa ari ya kuendelea kuwa walimu wa maadili mitaani, wakiamini kuwa jamii inayoheshimu wazee wake hujiwekea msingi imara wa usalama na maendeleo ya kudumu.
🥃🍶 TUMIA VINYWAJI BORA VYA KAMPUNI YA EAST AFRICAN SPIRITS – BEI RAFIKI, LADHA SAFI BILA HARUFU MBAYA
Wasiliana nasi:
📍 East African Spirits (T) Ltd
📞 +255 767 650 806 | +255 652 096 254
Post a Comment