WANACHAMA WA KIKUNDI CHA TUINUANE WAGAWANA BATI 849 NA BASIKELI 29 KATA YA MWAMALILI

Uzoefu na Ubunifu: &nbsp;Timu yetu ya wataalamu ina uzoefu wa miaka mingi katika sekta ya habari na uchapishaji wa maudhui.
Ubora na Uaminifu: &nbsp;Tunajivunia kutoa huduma bora na za kuaminika kwa wateja wetu.
Upatikanaji: &nbsp;Tupo mtandaoni muda wote, tukihakikisha unapata taarifa muhimu kwa wakati.

Kikundi cha Tuinuane kilichopo kata ya Mwamalili Manispaa ya Shinyanga, kilichoanzishwa mwaka 2019 kimeendelea kuwa chachu ya maendeleo ya wanachama wake kupitia mshikamano wa kifedha na michezo ya kuweka na kukopeshana.

Kwa mujibu wa historia ya kikundi hicho, mwanzo kiliendesha michezo ya michango midogo ambapo kila mwanachama alichangia kiasi cha shilingi 200, huku kukiwa na hisa ya shilingi 1,000. Hatua hiyo iliwasaidia kupata fedha za awali kwa ajili ya kugawana na kuwekeza.

Mwaka 2020, kikundi kilipanua wigo kwa kuanzisha mchezo wa lazima wa shilingi 200 na mchango wa bati moja, hatua iliyopelekea kufanikisha ununuzi wa bati 420 zenye thamani ya shilingi 5,760,000.

Aidha, kuanzia mwaka 2022 hadi 2023 wanachama waliendelea kucheza michezo hiyo na kuongeza mchango wa shilingi 500 pamoja na hisa, hali iliyoimarisha zaidi mfuko wa kikundi. Hadi kufikia mwaka 2023, kikundi kimeweza kununua bati 849 zenye thamani ya shilingi 15,282,000 na baskeli 29 zenye thamani ya shilingi 4,930,000 ambazo zimegawanywa kwa wanachama wote.

Miongoni mwa malengo makuu ya kikundi hicho ni kujipatia mashine za kusaga na kukoboa ili kuendeleza shughuli za kiuchumi na kusaidia wanachama kujitegemea zaidi.

Kikundi cha Tuinuane kimekuwa mfano wa kuigwa kwa jamii kwa kuonesha mshikamano wa kifedha na mikakati ya kujiletea maendeleo endelevu.