Sauti ya wananchi nchini imekuwa wazi na yenye nguvu, ikituma ujumbe mmoja wa kitaifa: Amani na Utulivu ndio msingi wa maendeleo. Baada ya matukio ya kihistoria ya Oktoba 29, wananchi kutoka Tanga, Mbeya, Arusha, Dar es Salaam, na mikoa mingine wamezungumza kwa uwazi kuhusu umuhimu wa kuijenga nchi kwa maelewano, wakikataa vikali uchochezi unaoendelezwa kwa maslahi ya wachache.
Wananchi katika maeneo mbalimbali wameonyesha wasiwasi wao kuhusu hatari ya kuendeleza ugomvi, wakisisitiza kuwa madhara ya vurugu yanawaathiri watu wa chini zaidi.
Wananchi walionya kuwa Taifa limo mahali nyeti sana, ambapo chochezi ndogo inaweza kuleta madhara makubwa kwa wajasiriamali wadogo kama mama ntilie, waendesha bodaboda, na vijana wanaotafuta ajira.
Mbeya: Waliuliza kwa uchungu, "Hivi tunayoyapigania kweli yanastahili kupoteza maisha? Kupoteza mali? Kupoteza utulivu wa familia?" Walianza viongozi na wananchi wote kutanguliza maridhiano na umoja mbele ya kila jambo la kisiasa.
Arusha: Walisisitiza kuwa matukio ya Oktoba 29 yamefichua hatari ya vijana kutumiwa na watu wenye maslahi binafsi. Walitoa wito kwa jamii kutotumia tena vijana kama "nguvu kazi ya vurugu," bali kama washiriki muhimu wa kujenga uchumi wa nchi.
Dar es Salaam: Wananchi walisema taharuki ya siku zile imewafundisha kuwa chuki na ushabiki usio na mwelekeo vina gharama kubwa. Walionyesha wazi kuwa "Wanaochochea hawapo mtaani wakati sisi tunalia hasara."
Kwa mujibu wa sauti hizi za umma, barabara za Tanzania hazihitaji "virusi vya vurugu", bali zinahitaji kazi, utulivu, na fursa mpya za maendeleo. Wananchi walionyesha imani yao kuwa Serikali itaendelea kuchukua hatua za kulinda amani na kuhakikisha walioathiriwa na vurugu hizo wanasaidiwa kurejea katika hali zao za kawaida.
Sauti ya wananchi imeonyesha kuwa, licha ya uchungu uliopita, Watanzania wamejifunza na wako tayari kulinda amani ya nchi kwa gharama yoyote.
Post a Comment