Katikati ya msisitizo wa Serikali kuwekeza katika miundombinu mikubwa kama Bwawa la Kidunda na kuendeleza Dira ya Taifa ya Uchumi wa Viwanda 2050, wananchi wameibuka na msimamo mkali, wakikataa waziwazi sauti za uchochezi na vurugu za kisiasa, wakisisitiza kwamba wamejifunza kutokana na matukio ya zamani.
Wengi wameonyesha kukerwa na ukweli kwamba "waliochochea fujo wanakula bata" huku bado wakiwatia utambi Watanzania. Hata hivyo, wananchi wamesema "machungu ya Oktoba 29" yamekuwa funzo kubwa na hawataki tena kurudi huko.
Amani sasa imeonekana siyo tu rasilimali bali ni chombo cha kujilinda kiuchumi. Wananchi wanashuhudia athari kubwa zinazosababishwa na vurugu, ambazo huongeza machungu na majuto kwa maisha yao na miundombinu ya nchi.
Mkazi wa Songwe, Amina Mbisa, anatoa ushuhuda akisisitiza umuhimu wa somo hilo:“Oktoba 29, 2025 tulijikuta kwenye changamoto chungu nzima, madhara yalikuwa mengi tulioathirika ni sisi wananchi wenyewe, kwa kipindi kichache tumejifunza umuhimu wa amani na kwa nini tunapaswa kuilinda.”
Ushuhuda huu unaonyesha kwamba madhara ya mizozo huangukia moja kwa moja kwa wananchi wa kawaida, huku rasilimali za ujenzi wa taifa zikiharibika.
Mfumo wa Ndani na Ustahimilivu
Kufuatia uzoefu huu, wananchi wanataka kuamka na kuwaambia wachezaji wa siasa "basi, inatosha!". Badala ya kufuata mbinu za vurugu, wananchi wamekubali kutumia mifumo ya ndani ya nchi kuondoa hitilafu na kukubaliana kutokukubaliana.
Hili linaendana na msisitizo wa Rais Samia Suluhu Hassan wa 4R (Reconciliation, Resilience, Reform, and Rebuilding), ambapo ustahimilivu (Resilience) na maridhiano (Reconciliation) ni nguzo muhimu. Watanzania wanasema watakuwa wastahimilivu na kuhakikisha amani inalindwa ili kuendeleza mazungumzo.
Msimamo huu wa amani unaungwa mkono na mantiki ya kiuchumi. Jackson John, Mkazi wa Dodoma, anaeleza jinsi amani inavyohusiana na maendeleo endelevu:“Mizozo mara nyingi husababisha watu kuhamahama, kuharibu mazingira na kutumia rasilimali bila mpangilio, lakini kwenye jamii yenye amani kuna weledi na utaratibu katika usimamizi wa rasilimali jambo ambalo huchochea maendeleo endelevu na kizazi cha sasa na kijacho kunufaika.” Bw. John.
Kwa kukataa sauti za uchochezi na kuchagua ustahimilivu na mazungumzo, Watanzania wanathibitisha kuwa wao ni Walinzi Namba Moja wa amani na uchumi wao. Msimamo huu unajenga mazingira bora ya utekelezaji wa mipango ya kitaifa na kuhakikisha rasilimali zinatumika kwa weledi na utaratibu kwa faida ya vizazi vya sasa na vijavyo.
🥃🍶 TUMIA VINYWAJI BORA VYA EAST AFRICAN SPIRITS – BEI RAFIKI, LADHA SAFI BILA HARUFU MBAYA
Wasiliana nasi:
📍 East African Spirits (T) Ltd
📞 +255 767 650 806 | +255 652 096 254
Post a Comment