Imeandikwa na Mwandishi wa Habari Mwandamizi na Mwenyekiti – MISA TanzaniaTunapofungua ukurasa mpya wa Mwaka Mpya, napenda kuchukua fursa hii adhimu kuwapongeza na kuwatakia heri ya Mwaka Mpya waandishi wote wa habari nchini Tanzania. Mwaka Mpya ni wakati wa kutafakari safari tuliyopita, changamoto tulizokutana nazo, mafanikio tuliyoyapata, na zaidi, kujiandaa kwa mustakabali wenye matumaini na uwajibikaji zaidi.Waandishi wa habari ni nguzo muhimu ya demokrasia, uwajibikaji na maendeleo ya jamii. Katika mwaka uliopita, tumeshuhudia juhudi kubwa za wanahabari katika kutoa taarifa sahihi, kuibua hoja nzito za kijamii, kiuchumi na kisiasa, pamoja na kusimamia maadili ya taaluma katika mazingira ambayo mara nyingi hayakuwa rafiki. Ni kwa misingi hiyo napenda kuwapongeza kwa ujasiri, ustahimilivu na kujitoa kwenu bila kuchoka.Mwaka Mpya unatupa wito wa kujitathmini upya kama tasnia. Ni wakati wa kuimarisha misingi ya uandishi wa habari wa maadili, unaozingatia ukweli, usahihi, uwiano na maslahi ya umma. Aidha, ni fursa ya kuwekeza zaidi katika uandishi wa kina, uandishi wa suluhisho, uandishi wa data na matumizi sahihi ya teknolojia za kidijitali kwa manufaa ya jamii.Kwa niaba ya MISA Tanzania, napenda kusisitiza dhamira yetu ya kuendelea kutetea uhuru wa vyombo vya habari, usalama wa waandishi wa habari, na mazingira wezeshi ya kufanya kazi yenu kwa uhuru na heshima.Tutaendelea kushirikiana na wadau mbalimbali kuhakikisha haki za wanahabari zinalindwa na sauti ya mwandishi wa habari inaheshimiwa.Nawasihi waandishi wote kuutumia Mwaka Mpya kama fursa ya kuimarisha mshikamano, kuzingatia maadili ya taaluma, na kuandika habari zitakazochochea mabadiliko chanya katika jamii yetu. Kalamu yenu ni silaha yenye nguvu itumieni kwa hekima, uadilifu na uzalendo.Kwa dhati kabisa, nawatakia heri ya Mwaka Mpya uliojaa afya njema, amani, mafanikio na ulinzi katika kazi zenu za kila siku.Heri ya Mwaka Mpya 2026!Edwin SokoMwandishi wa Habari MwandamiziMwenyekiti – MISA Tanzania
🥃🍶 TUMIA VINYWAJI BORA VYA EAST AFRICAN SPIRITS – BEI RAFIKI, LADHA SAFI BILA HARUFU MBAYA
Wasiliana nasi:
📍 East African Spirits (T) Ltd
📞 +255 767 650 806 | +255 652 096 254
Post a Comment