Na: Belnardo Costantine, Misalaba Media- Uganda.
Matokeo ya awali ya uchaguzi mkuu wa Uganda 2026 yanaonyesha Rais Yoweri Museveni wa chama cha NRM anaongoza kwa zaidi ya asilimia 60 ya kura zilizohesabiwa. Matokeo hayo yalitangazwa kabla ya saa tano usiku.l Kwa sasa za Africa mashariki.
Mwenyekiti wa Tume ya Uchaguzi Uganda, Jaji Simon Byabakama, amesema matokeo hayo yanatokana na vituo 133 vya kupigia kura, vinavyowakilisha asilimia 0.26 ya jumla ya kura zote. Aliongeza kuwa taarifa zaidi zitatolewa Ijumaa saa tatu asubuhi, huku matokeo yakiendelea kuwasilishwa katika kituo kikuu cha kuhesabu kura cha Wakiso.
Awali, Tume ya Uchaguzi ilisema zoezi la upigaji kura kwa ujumla lilikwenda vizuri licha ya changamoto za kiufundi, ikiwemo mashine za kupigia kura kushindwa kufanya kazi na kulazimisha matumizi ya njia ya kawaida. Hata hivyo, mgombea wa upinzani Robert Kyagulanyi, maarufu Bobi Wine, amedai uchaguzi huo ulikumbwa na udanganyifu, madai ambayo bado hayajathibitishwa na mamlaka husika.
Aidha Matokeo rasmi ya uchaguzi yanatarajiwa kutangazwa ndani ya saa 48 baada ya kukamilika kwa zoezi la upigaji kura huku vyombo vya Usalama nchini vinaendelea kuimarisha usalama katika Baadhi ya maeneo ambayo yanadhaniwa kuwa na uvunjifu wa amani
🥃🍶 TUMIA VINYWAJI BORA VYA EAST AFRICAN SPIRITS – BEI RAFIKI, LADHA SAFI BILA HARUFU MBAYA
Wasiliana nasi:
📍 East African Spirits (T) Ltd
📞 +255 767 650 806 | +255 652 096 254
Post a Comment