Waziri wa Habari, Utamaduni, Sanaa na Michezo wa Tanzania, Paul Makonda, amemteua aliyekuwa nahodha wa zamani wa timu ya taifa, Leodegar Tenga, kuwa Mwenyekiti wa Kamati ya Ndani ya Maandalizi ya Fainali za AFCON 2027.
Mashindano hayo makubwa ya soka barani Afrika yanatarajiwa kufanyika kwa ushirikiano wa nchi tatu za Afrika Mashariki ambazo ni Tanzania, Kenya na Uganda.
Uteuzi huo unaelezwa kuwa ni sehemu ya jitihada za kuhakikisha maandalizi ya mashindano hayo yanafanyika kwa weledi mkubwa, kutokana na uzoefu mkubwa alionao Tenga katika soka la ndani na kimataifa.
Kupitia nafasi hiyo, Tenga atasimamia uratibu wa masuala muhimu ya maandalizi ikiwa ni pamoja na miundombinu, uratibu wa timu, pamoja na kuhakikisha Tanzania inakuwa tayari kuandaa mashindano hayo kwa viwango vya kimataifa.
Hatua hii inaashiria dhamira ya serikali ya Tanzania kuhakikisha kuwa AFCON 2027 inakuwa ya mafanikio makubwa kwa ukanda wa Afrika Mashariki.
SHY TALENT FILMS - CONTENT YA MWISHO DRAMA
🥃🍶 TUMIA VINYWAJI BORA VYA KAMPUNI YA EAST AFRICAN SPIRITS – BEI RAFIKI, LADHA SAFI BILA HARUFU MBAYA
Wasiliana nasi:
📍 East African Spirits (T) Ltd
📞 +255 767 650 806 | +255 652 096 254
Post a Comment