MABINGWA WATETEZI SANGU FC WANG’ARA TENA NIACHEKONA CUP 2026

Na Mapuli Kitina Misalaba

Mabingwa watetezi wa mashindano ya NIACHEKONA CUP 2024, timu ya SANGU FC kutoka Wilaya ya Kwimba Mkoa wa Mwanza wameendelea kuonesha ubabe wao baada ya kuibuka na ushindi wa mabao 2-1 dhidi ya BULIGE FC kutoka Msalala Wilaya ya Kahama katika mchezo wa ushindani mkubwa uliochezwa kwenye uwanja wa Mwabenda kata ya Solwa, Halmashauri ya Wilaya ya Shinyanga.

Baada ya mchezo huo, Katibu wa Kamati ya Mashindano Sambayi Jilya amesema kuwa mzunguko wa kwanza wa ligi ya NIACHEKONA CUP 2026 umetamatika rasmi leo Jumanne Mei 26, 2026 ambapo kuanzia kesho timu zote zilizocheza katika hatua ya kwanza zitaanza michezo ya marudiano ili kupata timu zitakazofuzu kuingia hatua ya kumi na mbili bora.

Aidha Sambayi ametangaza ratiba ya mchezo wa kesho ambapo timu ya MANHEIGANA itamenyana na HOME BOYS, timu zote kutoka kata ya Solwa Mkoa wa Shinyanga katika mchezo unaotarajiwa kuwa na ushindani mkubwa ndani ya mashindano hayo.

Ameendelea kuwaomba wananchi wa Solwa pamoja na maeneo jirani kujitokeza kwa wingi katika uwanja wa Mwabenda kushuhudia michezo hiyo ambayo imeendelea kuwa jukwaa la kuibua vipaji vya vijana kupitia soka.

Mashindano ya NIACHEKONA CUP 2026 yameandaliwa na Bwana Paul Daud Augustino kupitia ufadhili wa shirika la Lushu Foundation kwa lengo la kuibua vipaji vya vijana, kukuza michezo pamoja na kuimarisha mshikamano wa jamii kupitia soka.

Kwa huduma za ushereheshaji wa shughuli mbalimbali, matangazo pamoja na burudani unaweza kuwasiliana na MC NIACHEKONA kupitia namba 0757 267 738.

Timu ya SANGU FC

Timu ya BULIGE FC

Wachezaji wa SANGU FC na BULIGE FC wakioneshana ushindani mkubwa loe Mei 26, 2026 katika ligi ya NIACHEKONA CUP 2026 inayoendelea kwenye uwanja wa Mwabenda kata ya Solwa.

Mchezo ukiendelea ambapo mabingwa watetezi SANGU FC waliibuka na ushindi wa mabao 2-1 dhidi ya BULIGE FC kutoka Wilaya ya Kahama.

Wachezaji wa SANGU FC na BULIGE FC wakioneshana ushindani mkubwa loe Mei 26, 2026 katika ligi ya NIACHEKONA CUP 2026 inayoendelea kwenye uwanja wa Mwabenda kata ya Solwa.