RAIS DKT. SAMIA AFUNGA RASMI MAONESHO YA NANE NANE DODOMA

Uzoefu na Ubunifu: &nbsp;Timu yetu ya wataalamu ina uzoefu wa miaka mingi katika sekta ya habari na uchapishaji wa maudhui.
Ubora na Uaminifu: &nbsp;Tunajivunia kutoa huduma bora na za kuaminika kwa wateja wetu.
Upatikanaji: &nbsp;Tupo mtandaoni muda wote, tukihakikisha unapata taarifa muhimu kwa wakati.

📌Apongeza kazi nzuri iliyofanywa na Wizara ya Kilimo na waoneshaji kwa ujumla kutokana na maboresho makubwa

📌Maelfu ya wananchi wafurika bustani ya wanyamapori banda la Maliasili na Utalii

📌Viongozi Wizara ya Maliasili na Utalii watembelea Maonesho na kupongeza kazi kubwa inayofanyika

Na Neema Chalila Mbuja, Dodoma

RAIS wa Jamhuri ya Muungano wa Tanzania Mhe. Dkt. Samia Suluhu Hassan, leo Agosti 8, 2026 amefunga rasmi Maonesho ya NANE NANE yaliyokuwa yakifanyika kwenye Viwanja vya Dkt John Malecela Nzuguni Dodoma na kuwapongeza Wizara ya Kilimo , Mifugo na Uvuvi kwa kazi nzuri liliyofanya kuwaunganisha wadau wa kilimo kwenye maonesho hayo.

Katika Banda la Wizara ya Maliasili na Utalii maelfu ya wananchi wamefurika kwenye bustani ya wanyamapori hai ili kujionea wanyama mbalimbali.

Sambamba na hilo viongozi mbalimbali wa Wizara ya Maliasili na Utalii wametembelea banda la Wizara hiyo kwenye Viwanja vya NANE NANE kwa ajili ya kujionea shughuli mbalimbali zinazofanyika na taasisi na wadau wa Malikale, Misitu na Nyuki, Utalii na Wanyamapori.

Wakiwa kwenye Maonesho hayo walipata fursa ya kuzungumza na wananchi na wadau na kueleza mustakabali wa sekta ya utalii sambamba na mikakati iliyojiwekea kwa ajili ya kutangaza sekta ya utalii hususani katika kipindi hiki cha kuelekea Michuano ya Kombe la Mataifa ya Afrika (AFCON) 2027.