CHIFU SANGALALI AWATAKA WANAFUNZI WA KIKE KUSOMA KWA BIDII, AWAONYA KUTOA KIPAUMBELE NDOA

Uzoefu na Ubunifu: &nbsp;Timu yetu ya wataalamu ina uzoefu wa miaka mingi katika sekta ya habari na uchapishaji wa maudhui.
Ubora na Uaminifu: &nbsp;Tunajivunia kutoa huduma bora na za kuaminika kwa wateja wetu.
Upatikanaji: &nbsp;Tupo mtandaoni muda wote, tukihakikisha unapata taarifa muhimu kwa wakati.

Mwenyekiti wa Machifu Tanzania na Mtemi wa Himaya ya Jigoku, Chifu Antonia Sangalali, amewataka wanafunzi, hususan wa kike, kusoma kwa bidii na kuweka elimu mbele ili waweze kutimiza ndoto zao na kujenga maisha yao ya baadaye.

Chifu Sangalali ametoa ujumbe huo wakati wa Tamasha la 19 la Himaya ya Jigoku, Masela, Wilaya ya Maswa mkoani Simiyu, akiwataka wanafunzi kutokukimbilia kuolewa na kuacha masomo.

Amesema elimu ni msingi muhimu wa maisha na amewataka wanafunzi kutumia fursa wanazopata shuleni kwa kujituma katika masomo badala ya kuacha elimu kwa sababu ya kuingia kwenye ndoa wakiwa bado katika hatua ya masomo.

“Nitumie fursa hii kuwahimiza wanafunzi, hasa wa kike, someni sana, msikimbilie kuolewa mkaacha masomo,” amesema Chifu Sangalali.

Amesema jamii ina wajibu wa kuwaunga mkono watoto katika safari yao ya elimu na kuhakikisha wanapata mazingira yanayowawezesha kusoma na kutimiza malengo yao.

Ujumbe huo umetolewa katika tamasha hilo lililolenga pia kuendeleza mila na tamaduni za Kitanzania, kuimarisha mshikamano na kutoa elimu mbalimbali kwa jamii.

Chifu Sangalali amesisitiza kuwa vijana wenye elimu wana nafasi kubwa ya kuchangia maendeleo ya familia zao, jamii na taifa, hivyo amewataka wanafunzi kutumia muda wao vizuri na kuweka juhudi katika masomo yao.