Serikali ya Tanzania imekubaliana na Chama cha Wafanyabiashara cha Marekani (U.S. Chamber of Commerce) mjini Washington, D.C., kutekeleza kwa mkakati mkataba wa sekta ya afya ili kunufaisha pande zote mbili na kuifanya Tanzania kuwa kitovu kikuu cha uzalishaji na usambazaji wa dawa na vifaa tiba barani Afrika.
Akizungumza katika Mkutano wa Wadau wa Ushirikiano wa Afya uliofanyika mjini Washington, D.C., Waziri wa Afya, Mhe. Mohamed Omary Mchengerwa, alibainisha kuwa Tanzania imejipanga kikamilifu kuvutia mitaji na teknolojia kutoka kwa wawekezaji wa Marekani, akitolea mfano ushirikiano wa kihistoria wa miaka ya 1970 kupitia kampuni ya McKinsey & Company uliosaidia kujenga taasisi thabiti zinazodumu hadi leo.
Alisisitiza kuwa lengo la sasa si miamala ya kawaida, bali ni kujenga ushirikiano wa kudumu utakaonufaisha vizazi vijavyo, huku Chama cha Wafanyabiashara cha Marekani kiki ahidi kuleta wawekezaji wa dawa nchini.
Chini ya uongozi wa Rais Samia Suluhu Hassan na falsafa yake ya 4R, Tanzania imeimarisha mazingira ya uwekezaji, miundombinu ikiwemo nishati ya uhakika kupitia Mradi wa Kufua Umeme wa Julius Nyerere, na kuboresha huduma za afya nchini kote. Hatua hii inaambatana na uzinduzi ujao wa Bima ya Afya kwa Vifaa na Huduma kwa Wote inayolenga kuwafikia Watanzania zaidi ya milioni 60.
Ili kutimiza azma ya kugeuka kutoka nchi inayoagiza dawa hadi kuwa nchi inayozalisha, Wizara ya Afya imeunda Kikosi Kazi cha Kuharakisha Uwekezaji katika Sekta ya Dawa (PIAT) na kutenga eneo maalum la kiuchumi huko Mloganzila, sambamba na mpango wa kuanzisha Kiwanda cha Taifa cha Uzalishaji wa Chanjo na Bidhaa za Kibiolojia. Vivyo hivyo, Tanzania inaendelea kutoa unafuu wa kodi kwa malighafi za dawa ili kukuza ushindani wa ndani.
Hatua hizi zinaimarishwa na mafanikio ya Mamlaka ya Dawa na Vifaa Tiba Tanzania (TMDA) kufikia Kiwango cha 3 cha Shirika la Afya Duniani (WHO), ikarahisisha mifumo ya udhibiti ili kuendana na viwango vya kimataifa kama FDA ya Marekani.
Kupitia uteuzi wa Tanzania kuwa mwenyeji wa Huduma za Ununuzi wa Pamoja za SADC, wawekezaji watapata fursa ya kipekee ya kuitumia Tanzania kama kituo cha uzalishaji kitakachohudumia soko la kikanda lenye zaidi ya watu milioni 300 katika nchi 16 wanachama.
SHY TALENT FILMS - CONTENT YA MWISHO DRAMA
🥃🍶 TUMIA VINYWAJI BORA VYA KAMPUNI YA EAST AFRICAN SPIRITS – BEI RAFIKI, LADHA SAFI BILA HARUFU MBAYA
Wasiliana nasi:
📍 East African Spirits (T) Ltd
📞 +255 767 650 806 | +255 652 096 254
Post a Comment