MAGAZETI YA LEO JUMAMOSI OKTOBA 3, 2026

Kamanda wa Polisi Mkoa wa Shinyanga, SACP Janeth Magomi, amekutana na maafisa wa usafirishaji wa bodaboda Kanda ya Maganzo, Wilaya ya Kishapu, na kuwataka kuzingatia usalama, kutii sheria bila shuruti na kuepuka kujichukulia sheria mkononi.

Kamanda Magomi ametoa kauli hiyo leo Oktoba 7, 2026, katika Uwanja wa Sabasaba, Kijiji na Kata ya Maganzo, wakati akitekeleza programu ya “Ongea na Kamanda”, ambapo akiwa ameambatana na maafisa, wakaguzi na askari wa vyeo mbalimbali, alitoa elimu kwa waendesha bodaboda kuhusu masuala mbalimbali ya usalama.

Katika mkutano huo, Kamanda Magomi amewataka waendesha bodaboda kuweka usalama wao mbele wakati wote, kutii sheria za nchi kwa hiari, pamoja na kudumisha amani na utulivu, akisisitiza kuwa bila amani hakuna shughuli za uzalishaji mali na maendeleo, ikiwemo shughuli za usafirishaji wa bodaboda.

Aidha, amewataka kuchukua tahadhari dhidi ya mvua za El Niño zinazotarajiwa kunyesha msimu huu kwa kushiriki katika usafi wa mazingira, ikiwemo kusafisha mitaro ili kupunguza athari zinazoweza kujitokeza kutokana na mvua hizo.

Kamanda Magomi pia amewakumbusha waendesha bodaboda kuhusu Kampeni ya Usalimishaji wa Hiari wa Silaha Haramu, ambayo inatarajiwa kukamilika Oktoba 31, 2026, huku akiwataka wananchi kuepuka kujichukulia sheria mkononi na badala yake kutoa taarifa kwa vyombo vya dola pale wanapokutana na changamoto za kiusalama.

Katika hatua nyingine, Kamanda Magomi amechangia Shilingi 100,000 kwenye mfuko wa wanachama wa maafisa wa usafirishaji Kanda ya Maganzo, akihamasisha wanakikundi hicho kuwa na chama kwa ajili ya kusaidiana katika shughuli mbalimbali za kijamii zinazojitokeza miongoni mwao.

Kwa upande wao, maafisa wa usafirishaji wamempongeza Kamanda Magomi kwa kufika katika eneo hilo na kutoa elimu ya usalama, huku wakiahidi kutekeleza maelekezo aliyoyatoa. Pia wameipongeza Jeshi la Polisi kwa kuendelea kushirikiana nao katika masuala mbalimbali.

Hata hivyo, wameiwasilisha changamoto ya kutopata leseni za kuendeshea vyombo vya moto, wakieleza kuwa licha ya baadhi yao kusoma mafunzo na kupata vyeti, vyuo walivyosoma havionekani au havijasajiliwa katika mfumo unaotumika.

Kufuatia changamoto hiyo, Kamanda Magomi ameahidi kuwaunganisha na wakufunzi kutoka vyuo vilivyosajiliwa ili wapate mafunzo kwa gharama nafuu, waweze kupata vyeti vinavyotambulika na hatimaye kukamilisha taratibu za kukata leseni za kuendeshea vyombo vya moto.

 

PROFESSOR MGOKO EPISODE 04

🥃🍶 TUMIA VINYWAJI BORA VYA KAMPUNI YA EAST AFRICAN SPIRITS – BEI RAFIKI, LADHA SAFI BILA HARUFU MBAYA

• Wasiliana nasi:
  📍 East African Spirits (T) Ltd
  📞 +255 767 650 806 | +255 652 096 254