Ndg. Pius M. Buzumalle, Mwenyekiti wa Jumuiya ya Wazazi CCM Wilaya ya Mpanda, Mkoa wa Katavi, akiwa katika picha ya pamoja na wajumbe wa Kamati ya Utekelezaji ya Jumuiya hiyo pamoja na Ndg. Heliuth Henry Mbilinyi maarufu Makete CH, Mjumbe wa Kamati Ndogo ya Uchumi, Mipango na Fedha, baada ya kikao kilichojadili mipango na mikakati ya maendeleo ya Jumuiya hiyo.
Kamati ya
Utekelezaji ya Jumuiya ya Wazazi CCM Wilaya ya Mpanda imepokea kiasi cha
Shilingi 500,000 kutoka kwa Mjumbe wa Kamati Ndogo ya Uchumi, Mipango na Fedha
ya Jumuiya hiyo, Heliuth Henry Mbilinyi maarufu Makete CH, kwa ajili ya
kuchangia zoezi la upimaji wa eneo la Shule ya Sekondari na Ufundi Milala.
Fedha hizo
zimekabidhiwa leo Novemba 14, 2026, katika kikao cha Kamati ya Utekelezaji
kilichoongozwa na Mwenyekiti wa Jumuiya ya Wazazi CCM Wilaya ya Mpanda, Pius M.
Buzumalle, kilicholenga kujadili maendeleo ya mpango wa upimaji wa eneo la
shule hiyo iliyopo Kijiji cha Milala, Kata ya Misunkumilo, Halmashauri ya
Manispaa ya Mpanda, mkoani Katavi.
Akikabidhi
fedha hizo, Mbilinyi amesema mchango huo ni sehemu ya kuunga mkono juhudi za
kuhakikisha eneo la shule linapimwa na kupata hati miliki, hatua inayolenga
kuweka msingi wa maendeleo ya shule hiyo na kuendeleza elimu katika eneo hilo.
Aidha,
amewahimiza wadau mbalimbali ndani na nje ya Wilaya ya Mpanda kujitokeza
kuchangia juhudi za kuendeleza Shule ya Sekondari na Ufundi Milala, akieleza
umuhimu wa ushirikiano katika kufanikisha upimaji wa eneo hilo.
Kwa upande
wake, Mwenyekiti wa Jumuiya ya Wazazi CCM Wilaya ya Mpanda, Pius M. Buzumalle,
amemshukuru Mbilinyi kwa mchango huo, akieleza kuwa hatua hiyo inaonesha
umuhimu wa wadau kushiriki kwa vitendo katika juhudi za kutafuta ufumbuzi wa
mahitaji ya shule hiyo.
Naye Katibu
wa Jumuiya ya Wazazi CCM Wilaya ya Mpanda, Jimotoli Jilala Maduka, ameshiriki
katika zoezi la kupokea fedha hizo na kusisitiza umuhimu wa kuendelea kutoa
elimu na hamasa kwa wadau na viongozi mbalimbali ili washiriki katika juhudi za
kuendeleza shule hiyo.
Katika kikao hicho, wajumbe wameeleza kufurahishwa na mchango huo na kutoa wito kwa wadau wengine kuendelea kujitokeza kwa hali na mali ili kusaidia kufanikisha upimaji wa eneo la Shule ya Sekondari na Ufundi Milala na upatikanaji wa hati miliki yake.
Ndg. Pius M. Buzumalle, Mwenyekiti wa Jumuiya ya Wazazi CCM Wilaya ya Mpanda, akizungumza katika kikao cha pamoja na Ndg. Heliuth Henry Mbilinyi maarufu Makete CH, Mjumbe wa Kamati Ndogo ya Uchumi, Mipango na Fedha ya Jumuiya hiyo, akitoa shukrani na pongezi kwa mchango wake wa Shilingi 500,000 alioutoa kusaidia mchakato wa upimaji wa eneo la Shule ya Sekondari na Ufundi Milala.
Ndg. Heliuth Henry Mbilinyi maarufu Makete CH, Mjumbe wa Kamati Ndogo ya Uchumi, Mipango na Fedha ya Jumuiya ya Wazazi CCM Wilaya ya Mpanda, akishiriki kikao cha Kamati ya Utekelezaji ya Jumuiya hiyo leo Novemba 14, 2026, wakati akiwasilisha mchango wa Shilingi 500,000 kwa ajili ya mchakato wa upimaji wa eneo la Shule ya Sekondari na Ufundi Milala, iliyopo Kijiji cha Milala, Kata ya Misunkumilo, Halmashauri ya Manispaa ya Mpanda, Mkoa wa Katavi.
Ndg. Frank William Mgata, Mjumbe wa Kamati ya Utekelezaji ya Jumuiya ya Wazazi CCM Wilaya ya Mpanda, pamoja na Ndg. Janda, Mjumbe wa Kamati Ndogo ya Uchumi, Mipango na Fedha, wakishiriki kikao cha pamoja kilichojadili mipango na mikakati ya maendeleo ya Jumuiya ya Wazazi CCM Wilaya ya Mpanda, Mkoa wa Katavi.
PROFESSOR MGOKO EPISODE 07
🥃🍶 TUMIA VINYWAJI BORA VYA KAMPUNI YA EAST AFRICAN SPIRITS – BEI RAFIKI, LADHA SAFI BILA HARUFU MBAYA
Wasiliana nasi:
📍 East African Spirits (T) Ltd
📞 +255 767 650 806 | +255 652 096 254
Post a Comment