Uongozi mpya
wa Shirika la Msalaba Mwekundu Tanzania (Tanzania Red Cross Society) Mkoa wa
Shinyanga umetembelea maeneo mbalimbali yaliyoathiriwa na mvua kubwa
iliyoambatana na upepo mkali iliyonyesha usiku wa Novemba 16, 2026, katika
Manispaa ya Shinyanga, kwa lengo la kujionea madhara yaliyotokea na kuwafariji
wananchi walioathirika.
Akizungumza
wakati wa ziara hiyo iliyofanyika leo Novemba 17, 2026, Mwenyekiti wa Red Cross
Mkoa wa Shinyanga, Hatibu Mgeja, amewahimiza wananchi kuendelea kuchukua
tahadhari dhidi ya mvua zinazoendelea kunyesha, hususan kwa kuhakikisha
wanazunguka mazingira ya makazi yao na kubaini vihatarishi vinavyoweza
kusababisha madhara.
Amesema
baadhi ya nyumba zimeezuliwa mapaa na nyingine kuangukiwa na miti kutokana na
upepo mkali, huku akiwashauri wananchi wanaoishi katika nyumba zilizo karibu na
miti mikubwa au maeneo yenye miti isiyo salama kuchukua hatua za mapema ili
kuzuia madhara yanayoweza kujitokeza.
Mgeja
amewapa pole wananchi wote walioathirika na majanga hayo, akieleza kuwa Red
Cross iko tayari kushirikiana na wenyeviti wa mitaa, watendaji, viongozi wa
kata na wilaya katika kuendelea kutoa elimu ya kujikinga na majanga mbalimbali,
pamoja na kuhamasisha jamii kuchukua hatua za tahadhari kabla ya madhara
kutokea.
Kwa mujibu
wa taarifa ya Red Cross Mkoa wa Shinyanga, shirika hilo limetembelea maeneo
matano yaliyoathirika ambayo ni Kata ya Ndembezi eneo la Mazinge ambako kaya
sita zimeathirika, kata ya Ibadakuli kaya saba; Bugweto kaya sita, kata ya Kitangili
kaya 12 na Masekelo kaya 16 na kufanya jumla ya kaya 47 zilizoathirika na mvua
hiyo.
Aidha,
taarifa hiyo imeeleza kuwa baadhi ya nyumba zimeezuliwa mapaa, huku familia
nyingine zikikosa makazi na kulazimika kuhifadhiwa na majirani. Pia, baadhi ya
vyakula na vifaa vya ndani ya nyumba vimelowana na kuharibika kutokana na mvua
hiyo.
Katika tukio
hilo, watu wawili wameangukiwa na tofali na kujeruhiwa, ambapo kwa mujibu wa
taarifa hiyo hadi sasa wanaendelea kupatiwa matibabu hospitalini.
Red Cross
imeendelea kuhimiza wananchi kuchukua tahadhari katika kipindi hiki cha mvua
kwa kuimarisha usalama wa makazi yao na kutoa taarifa kwa viongozi wa maeneo
yao wanapoona mazingira yanayoweza kuhatarisha maisha na mali.

PROFESSOR MGOKO EPISODE 07
🥃🍶 TUMIA VINYWAJI BORA VYA KAMPUNI YA EAST AFRICAN SPIRITS – BEI RAFIKI, LADHA SAFI BILA HARUFU MBAYA
Wasiliana nasi:
📍 East African Spirits (T) Ltd
📞 +255 767 650 806 | +255 652 096 254


































































Post a Comment