MAGAZETI YA LEO JUMATANO APRILI 8, 2026

TAZAMA VIDEO HII HAPO

Taasisi ya kuthibiti ubora wa mbegu Tanzania (TOSCI) imetoa Elimu kwa wananchi hasa wakulima Mkoani Shinyanga kupitia Misalaba Media, juu ya umuhimu wa wakulima kuacha kilimo cha mazoea na badala yake kutumia mbegu bora   ili kuchochea  kilimo Biashara chenye tija.

Afisa uthibiti ubora wa mbegu Bi. Zera Mwamkemwa amesema Elimu hiyo ni sehemu ya mpango endelevu wa uelimishaji wa makundi mbalimbali wakiwemo wakulima kuhamasisha matumizi ya mbegu bora ili waweze kulima kilimo chenye tija.

Mwamkemwa amesema elimu hiyo ya matumizi ya mbegu bora itakuwa chachu kwa wakulima kulima kilimo chenye tija ikilinganishwa na awali ambapo walikuwa wakipata mavuno kidogo kutokana na kutumia mbegu zisizokuwa na ubora.

Kwa upande wake Afisa Mkaguzi wa mbegu taasisi ya kuthibiti ubora wa mbegu Tanzania TOSCI, Bwana Joseph Pagu amesisitiza wafanyabiashara wenye maduka ya mbegu kufuata kanuni za mbegu kwa mujibu wa sheria ili kumfikishia mkulima mbegu bora.

Amezitaja baadhi ya changamoto wanazozibaini wakati wa zoezi la ukaguzi kwenye maduka ya mbegu ikiwemo ile ya mkulima kutochukua stakabadhi ya mauzo.