ASKOFU SANGU KESHO KUONGOZA MISA YA WAWATA KABLA YA KULITEGEMEZA SHIRIKA LA WATAWA LA JIMBO

Askofu wa Jimbo Katoliki Shinyanga Mhashamu Liberatus Sangu, kesho Jumamosi tarehe 10.08.2024, ataongoza Misa takatifu ambayo itawashirikisha Wanawake wakatoliki Tanzania WAWATA Jimbo la Shinyanga, yenye lengo la kulitegemeza Shirika la Kitawa la kijimbo la Maria Mtakatifu Mama wa Huruma.

Kwa mujibu wa Mwenyekiti wa WAWATA Jimbo la Shinyanga Bi. Magreth Cosmas, Misa hiyo ambayo itafanyika katika Kanisa kuu la Mama mwenye huruma Ngokolo mjini Shinyanga, itaanza saa 4:00 asubuhi.

Bi.Magreth amewaomba WAWATA wote pamoja na waamini kujitokeza kwa wingi katika Misa hiyo, ambayo imelenga kulistawisha na kuliendeleza shirika hilo la Jimbo, lililoanzishwa na Askofu Sangu.