KASHISHI FC YATINGA FAINALI BAADA YA KUIFUNGA BULIGE FC

Uzoefu na Ubunifu: &nbsp;Timu yetu ya wataalamu ina uzoefu wa miaka mingi katika sekta ya habari na uchapishaji wa maudhui.
Ubora na Uaminifu: &nbsp;Tunajivunia kutoa huduma bora na za kuaminika kwa wateja wetu.
Upatikanaji: &nbsp;Tupo mtandaoni muda wote, tukihakikisha unapata taarifa muhimu kwa wakati.

Na Mapuli Kitina Misalaba

Timu ya Kashishi FC imefanikiwa kutinga hatua ya fainali ya mashindano ya NIACHEKONA CUP 2026 baada ya kuibuka na ushindi wa goli 1-0 dhidi ya Bulige FC katika mchezo wa nusu fainali uliochezwa leo Juni 19, 2026, kwenye Uwanja wa Mwabenda, Kata ya Solwa, Halmashauri ya Wilaya ya Shinyanga.

Mchezo huo uliokuwa na ushindani mkubwa uliamuliwa na bao pekee lililoipa Kashishi FC ushindi muhimu na kuihakikishia nafasi ya kucheza fainali ya mashindano hayo, huku safari ya Bulige FC ya kuwania ubingwa ikifikia tamati.

Kwa ushindi huo, Kashishi FC imeungana na Ufukunyungu FC, ambayo tayari ilifuzu fainali baada ya kuiondoa Duara FC kwa mikwaju ya penati katika mchezo wa kwanza wa nusu fainali.

Akizungumza baada ya mchezo huo, Mwenyekiti wa Kamati ya NIACHEKONA CUP, Silas Elias Kadaso, ametangaza kuwa mchezo wa fainali utafanyika Jumanne, Juni 23, 2026, katika Uwanja wa Mwabenda.

Amesema kabla ya mchezo wa fainali kutachezwa mchezo wa kusaka mshindi wa tatu kati ya Duara FC na Bulige FC, huku baadaye Ufukunyungu FC na Kashishi FC wakishuka dimbani kupambania ubingwa wa NIACHEKONA CUP 2026.

Mashindano ya NIACHEKONA CUP 2026 yameandaliwa na Paul Daud Augustino maarufu MC NIACHEKONA kwa ufadhili wa Shirika la Lushu Foundation, yakilenga kuibua vipaji vya vijana, kukuza michezo na kuimarisha mshikamano wa jamii.

Kwa huduma za MC, matangazo na ushereheshaji wa matukio mbalimbali, wasiliana na MC NIACHEKONA kupitia namba 0757 267 738.