Wakati mijadala ya mitandaoni mara nyingi ikijawa na maneno ya shaka na kejeli kuhusu uwezo wa Serikali katika kuleta maendeleo ya kijamii na kiuchumi, ukweli wa mambo ardhini unazidi kuibua majibu ya vitendo yanayopasua ukimya wa wakosoaji.
Badala ya kubishana kwa maneno, Serikali imeamua kuwekeza zaidi ya shilingi trilioni sita kwa ajili ya ujenzi wa kipande cha sita cha Reli ya Kisasa (SGR) kutoka Tabora hadi Kigoma, mradi ambao ni kielelezo cha dhamira ya dhati ya kuleta mabadiliko ya kudumu kwa wananchi.
Mkurugenzi Mkuu wa Shirika la Reli Tanzania (TRC), Mhandisi Machibya Masanja, akizungumza katika kipindi cha Jambo Wikendi cha TBC 1, alithibitisha kuwa mradi huu ndio kiungo cha mwisho cha mtandao mkubwa wa SGR unaounganisha Dar es Salaam, Mwanza, na Kigoma, hatua inayolenga kuongeza ufanisi wa usafirishaji wa mizigo na abiria na kupunguza kwa kiasi kikubwa gharama za usafiri ambazo zimekuwa zikiwabebesha mzigo wananchi.
Katika ziara yake ya kikazi mkoani Kigoma, Waziri wa Uchukuzi, Profesa Makame Mbarawa, aliweka wazi kuwa uwekezaji huu mkubwa ni sehemu ya mpango kabambe wa kuifanya Tanzania kuwa kitovu cha usafirishaji na biashara katika ukanda wa Afrika Mashariki na Kati.
Profesa Mbarawa alisisitiza kuwa kukamilika kwa mtandao huu wa SGR kutafungua njia ya kiuchumi isiyo na kifani, ikirahisisha usafirishaji wa bidhaa na watu, na kuifanya Bandari ya Dar es Salaam kuwa na ushindani zaidi katika soko la kimataifa.
Hatua hii inaenda sambamba na maboresho makubwa yanayoendelea katika Bandari ya Kigoma, ambapo Serikali inajenga na kukarabati miundombinu ili kuongeza uwezo wa kuhudumia meli na mizigo katika Ziwa Tanganyika, hatua inayolenga kuchochea ukuaji wa uchumi wa mkoa huo na mikoa jirani kwa kufungua fursa mpya za ajira.
Dhamira ya Serikali inaonekana dhahiri katika azma ya kuifanya Kigoma kuwa lango kuu la biashara linalounganisha Tanzania na nchi za Jamhuri ya Kidemokrasi ya Congo (DRC), Burundi, na Zambia.
Kwa kuunganisha maendeleo ya bandari hiyo na reli ya kisasa, Serikali inafungua mlango wa ushirikiano wa kiuchumi ambao utawanufaisha hata wakazi wa mikoa ya Rukwa na Katavi.
Huku ikizingatia mifumo yote ya usafiri ikiwemo ya anga na majini, Serikali inaonyesha kuwa majibu ya kweli kwa changamoto za maendeleo hayapatikani kwenye mijadala ya mitandaoni pekee, bali kupitia miradi ya kimkakati inayojibu mahitaji halisi ya wananchi, wafanyabiashara, na uchumi wa taifa kwa ujumla.
Hii ndiyo lugha ya vitendo ambayo inazidi kuzinyamazisha kejeli kwa kuweka msingi imara wa ustawi wa vizazi vya sasa na vijavyo.
SHY TALENT FILMS - CONTENT YA MWISHO DRAMA
🥃🍶 TUMIA VINYWAJI BORA VYA KAMPUNI YA EAST AFRICAN SPIRITS – BEI RAFIKI, LADHA SAFI BILA HARUFU MBAYA
Wasiliana nasi:
📍 East African Spirits (T) Ltd
📞 +255 767 650 806 | +255 652 096 254
Post a Comment