Zoezi la
kuandikisha wanachama wapya wa Chama Cha Mapinduzi (CCM) kupitia Jumuiya ya
Wazazi Wilaya ya Mpanda limeendelea kupamba moto baada ya wanachama wapya
wanane kuandikishwa katika ziara ya kutembelea maduka ya wafanyabiashara mjini
Mpanda, Oktoba 29, 2026.
Zoezi hilo
limeongozwa na Katibu wa Jumuiya ya Wazazi CCM Wilaya ya Mpanda, Jimotoli
Jilala Maduka, ambaye ametembelea baadhi ya maduka kwa lengo la kuwasalimia
wafanyabiashara, kutoa elimu ya uanachama na kusajili wanachama wapya.
Katika zoezi
hilo, wanachama wapya wanane wamejiandikisha kupitia CCM na Jumuiya ya Wazazi,
huku wote wakilipa ada ya uanachama yenye jumla ya Shilingi 19,200.
Maduka
amesema kuwa utaratibu wa kuwafuata wanachama katika maeneo yao ya shughuli za
kila siku, ikiwemo madukani na majumbani, ni muhimu katika kuwafikia watu wengi
zaidi na kuongeza ushiriki wao katika chama na jumuiya zake.
Amesisitiza
umuhimu wa kutoa elimu kuhusu taratibu za uanachama, upatikanaji wa kadi na
ulipaji wa ada, akieleza kuwa hatua hizo zinasaidia wanachama kutambua wajibu
wao na kudumisha uhai wa jumuiya.
Aidha,
amewahimiza makatibu wa Jumuiya ya Wazazi katika ngazi za kata kuweka
kipaumbele katika zoezi la uandikishaji kwa kutembelea maeneo mbalimbali,
yakiwemo maduka, nyumba na maeneo mengine yenye uwezekano wa kuwafikia
wanachama wapya.
Amesema kuwa
juhudi hizo zinahitaji ushirikiano wa viongozi wa jumuiya na maafisa wa TEHAMA
wa CCM Wilaya ya Mpanda ili kurahisisha usajili wa wanachama kwa njia ya
kielektroniki na kuhakikisha taratibu za uanachama zinafuatwa.
Kwa upande
wao, wafanyabiashara walioshiriki katika zoezi hilo wameeleza kufurahishwa na
utaratibu wa kutembelewa katika maeneo yao ya kazi, wakisisitiza umuhimu wa
kuendelea kutoa elimu ya uanachama na kuwafikia watu wengi zaidi.
Zoezi hilo
ni mwendelezo wa juhudi za Jumuiya ya Wazazi CCM Wilaya ya Mpanda katika
kusajili wanachama wapya, kuhamasisha ulipaji wa ada na kuimarisha shughuli za
jumuiya katika maeneo mbalimbali ya wilaya hiyo.
Katibu wa Jumuiya ya Wazazi CCM Wilaya ya Mpanda, Mkoa wa Katavi, akiendelea na zoezi la kuwafikia wanachama katika maeneo yao ya biashara kwa ajili ya kuwasalimia na kutoa elimu ya uanachama wa CCM na Jumuiya ya Wazazi, amemkabidhi Ndg. Neema Khalid Mohamed kadi ya Umoja wa Wazazi wa Tanzania, tarehe 29 Oktoba 2026, baada ya kujiandikisha kuwa mwanachama wa CCM kupitia Jumuiya ya Wazazi. Ndg. Neema ameeleza furaha na shukrani zake kwa kupokea kadi hiyo, huku akiahidi kuwa mwaminifu katika kulipa ada ya uanachama wa CCM na Jumuiya ya Wazazi kwa mujibu wa taratibu.
Katibu wa Jumuiya ya Wazazi CCM Wilaya ya Mpanda, Mkoa wa Katavi, Ndg. Jimotoli Jilala Maduka, akiendelea kuwafikia wananchi, wakiwemo wapenzi wa soka, kwa ajili ya kutoa elimu ya uanachama wa Chama Cha Mapinduzi (CCM) kupitia Jumuiya ya Wazazi, amemkabidhi Ndg. Habibu Mengi kadi ya Umoja wa Wazazi wa Tanzania, tarehe 29 Oktoba 2026, baada ya kupata elimu na kujiandikisha kuwa mwanachama wa CCM kupitia jumuiya hiyo. Ndg. Habibu ameeleza shukrani zake kwa kupokea kadi hiyo, huku akiahidi kulipa ada ya uanachama kwa wakati na kwa mujibu wa taratibu.
Katibu wa Jumuiya ya Wazazi CCM Wilaya ya Mpanda, Mkoa wa Katavi, Ndg. Jimotoli Jilala Maduka, akimpatia elimu ya uanachama wa Chama Cha Mapinduzi (CCM) kupitia Jumuiya ya Wazazi Ndg. Saumu Justine Mlingi, kabla ya kumkabidhi kadi ya Umoja wa Wazazi wa Tanzania baada ya kujiandikisha kuwa mwanachama. Ndg. Saumu ameahidi kuwa mwaminifu katika kulipa ada ya uanachama kwa wakati na kwa mujibu wa taratibu.
Katibu wa Jumuiya ya Wazazi CCM Wilaya ya Mpanda, Mkoa wa Katavi, Ndg. Jimotoli Jilala Maduka, akimkabidhi Ndg. Samson Elias Andrew maarufu kama Samswaga, kadi ya Umoja wa Wazazi wa Tanzania, tarehe 29 Oktoba 2026, baada ya kujiandikisha kuwa mwanachama wa Chama Cha Mapinduzi (CCM) kupitia Jumuiya ya Wazazi. Ndg. Samson ameeleza furaha na shukrani zake kwa kupokea kadi hiyo, huku akiahidi kudumisha umoja na mshikamano katika kuijenga jumuiya hiyo, kushirikiana na wanachama wengine kuendeleza shughuli zake, pamoja na kuwa mwaminifu katika kulipa ada ya uanachama wa CCM na Jumuiya ya Wazazi.
Katibu wa Jumuiya ya Wazazi CCM Wilaya ya Mpanda, Mkoa wa Katavi, Ndg. Jimotoli Jilala Maduka, akiendelea na zoezi la kuandikisha wanachama wapya, amemkabidhi Ndg. Adam Juma Kombo, maarufu kama Adam Electric, kadi ya Umoja wa Wazazi wa Tanzania, tarehe 29 Oktoba 2026, baada ya kujiandikisha kuwa mwanachama wa Chama Cha Mapinduzi (CCM) kupitia Jumuiya ya Wazazi. Ndg. Adam ameishukuru CCM na Jumuiya ya Wazazi kwa kuwafikia wafanyabiashara katika maeneo yao ya kazi, akieleza kuwa njia hiyo inarahisisha uandikishaji wa wanachama wapya. Aidha, ameahidi kudumisha umoja na mshikamano katika kuijenga jumuiya hiyo pamoja na kulipa ada ya uanachama kwa mujibu wa taratibu ili kuendelea kuwa mwanachama hai.
Katibu wa Jumuiya ya Wazazi CCM Wilaya ya Mpanda, Mkoa wa Katavi, Ndg. Jimotoli Jilala Maduka, akiwa ofisini akimkabidhi Ndg. Menlad Joachim Mhina kadi ya Umoja wa Wazazi wa Tanzania baada ya kujiandikisha kuwa mwanachama wa Chama Cha Mapinduzi (CCM) kupitia Jumuiya ya Wazazi. Ndg. Menlad ameipongeza CCM kupitia Jumuiya ya Wazazi kwa kuona umuhimu wa kuwapatia wanachama kadi hizo, akieleza kuwa hatua hiyo ni mojawapo ya njia za kuwahamasisha watu wengi zaidi kujiunga na jumuiya hiyo. Aidha, ameahidi kuwa mwaminifu katika kulipa ada ya uanachama kwa mujibu wa taratibu na kushiriki katika shughuli mbalimbali za CCM na Jumuiya ya Wazazi.PROFESSOR MGOKO EPISODE 07
🥃🍶 TUMIA VINYWAJI BORA VYA KAMPUNI YA EAST AFRICAN SPIRITS – BEI RAFIKI, LADHA SAFI BILA HARUFU MBAYA
Wasiliana nasi:
📍 East African Spirits (T) Ltd
📞 +255 767 650 806 | +255 652 096 254
Post a Comment