WAJASILIAMALI WA SOKO LA NGOKOLO MITUMBANI WAIOMBA SERIKALI KUTATUA CHANGAMOTO ZINAZOWAKABILI

Uzoefu na Ubunifu: &nbsp;Timu yetu ya wataalamu ina uzoefu wa miaka mingi katika sekta ya habari na uchapishaji wa maudhui.
Ubora na Uaminifu: &nbsp;Tunajivunia kutoa huduma bora na za kuaminika kwa wateja wetu.
Upatikanaji: &nbsp;Tupo mtandaoni muda wote, tukihakikisha unapata taarifa muhimu kwa wakati.

Na Milu Malimi, Misalaba Media

Baadhi ya wajasiliamali wa soko la Ngokolo Mitumbani katika Manispaa ya Shinyanga wametoa changamoto zinazowakabili kwenye soko hilo hasa nyakati za mvua.

Wameeleza changamoto zao Machi 12, 2026 wakati wakingumza na Misalaba Media ambapo wamesema changamoto hizo ni Pamoja na ubovu wa miundombinu ya soko huku wakitaja uwepo wa mabonde yanayosababisha maji mengi kutwama na kulete aza kwenye soko hilo.

Pia wajasiliamali hao wamesema walishawahi kuzifikisha changamoto zao kwa viongozi wa serikali akiwemo mkurugenzi wa Manispaa ya Shinyanga ambapo mpaka sasa hawajaona hatua zozote za kutatua changamoto hizo.

Hata hivyo katibu wa soko hilo Bwana Charles Betengeko naye amesisitiza kuwa hivi karibuni walifanya mazungumza na kaimu Mkurugenzi wa Manispaa hiyo ambaye aliahidi kuzifanyia kazi.

Aidha katibu hiyo ameiomba serikali kupunguza kodi na tozo kwa wajasiliamali hao kwani vinawaathiri kiuchumi kutokana na kwamba haviendana na mapato ya biashara zao.