MAGAZETI YA LEO JUMATATU MEI 4, 2026

Na Milu Malimi, Misalaba Media

Baadhi ya wananchi katika Manispaa ya Shinyanga wameeleza namna vitendo vya rushwa vinavyoendelea kuathiri maendeleo ya jamii na kusababisha changamoto katika utoaji wa huduma za kijamii, hususan sekta ya afya.

Wakizungumza na Misalaba Media Mei 8, 2026, wananchi hao wamesema vitendo vya utoaji na upokeaji wa rushwa vimekuwa vikijitokeza katika maeneo mbalimbali ya utoaji huduma, ambapo baadhi ya watumishi huwapa upendeleo wananchi wanaotoa rushwa na kuwaacha wengine kukosa haki zao za msingi.

Miongoni mwa wananchi hao ni William Muhangwa, ambaye amesema rushwa imeendelea kuwa changamoto katika maeneo ya huduma za kijamii kama hospitali, shule na baadhi ya taasisi za umma, hali inayochangia wananchi wengi kushindwa kupata huduma kwa usawa.

Ameeleza kuwa baadhi ya sababu zinazochochea vitendo vya rushwa ni tamaa ya kujipatia fedha kwa njia zisizo halali, mishahara midogo kwa baadhi ya watumishi pamoja na ukosefu wa uwajibikaji katika taasisi za umma.

Aidha, wananchi hao wamewataka wananchi pamoja na watumishi wa umma kuacha kujihusisha na vitendo vya rushwa ili kujenga jamii yenye haki, usawa na maendeleo, wakisema rushwa imekuwa chanzo cha kudorora kwa huduma za kijamii na kukosekana kwa haki kwa baadhi ya wananchi.

Pia wameeleza kuwa elimu kuhusu madhara ya rushwa inapaswa kutolewa mara kwa mara kwa wananchi ili kuongeza uelewa wa jamii kuhusu athari zake, huku wakisisitiza umuhimu wa ushirikiano kati ya serikali na wananchi katika kuhakikisha vitendo vya rushwa vinakomeshwa.

Hata hivyo, wamezitaka taasisi zinazohusika na mapambano dhidi ya rushwa kuongeza juhudi za kuchukua hatua kwa wanaojihusisha na vitendo hivyo ili kulinda haki za wananchi na kuimarisha utoaji wa huduma za kijamii nchini.

SHY TALENT FILMS - CONTENT YA MWISHO DRAMA

🥃🍶 TUMIA VINYWAJI BORA VYA KAMPUNI YA EAST AFRICAN SPIRITS – BEI RAFIKI, LADHA SAFI BILA HARUFU MBAYA

• Wasiliana nasi:
  📍 East African Spirits (T) Ltd
  📞 +255 767 650 806 | +255 652 096 254