HAYA HAPA MATOKEO YA MTIHANI WA DARASA LA SABA (PSLE) 2025

Na Mapuli Misalaba, Shinyanga

Mwanaume mmoja mkazi wa mtaa wa kalonga kata ya Ngokolo katika Manispaa ya Shinyanga  anashikiliwa na Jeshi la Polisi akidaiwa kuhusika na tuhuma za mauaji ya Mke wake Joyce Masanja  ambaye anasadikiwa ameuawa kwa kuchomwa kisu.

Tukio hilo limetokea usiku wa kuamkia leo Jumamosi Januari 14,2023 ambapo mwili wa mwanamke huyo umekutwa  ukiwa umetelekezwa  jirani na msikiti wa Binti haji uliopo Mtaa wa Kalonga kata ya Ngokolo.

Misalaba Blog imefika katika eneo la tukio na kuzungumza na wakazi wa mtaa wa kalonga  jina maarufu Mshikamano ambao wameeleza kuwa tukio hilo limetokea majira ya saa sita usiku ambapo baadhi yao wamesikia sauti ya marehemu huyo akikimbizwa na watu wawili huku akipiga kelele.

Majirani  wamesema baada ya kusikia kelele hizo kwa muda mfupi umeme ulikatika na kwamba hawakusikia tena kelele ndiyo asubuhi walimkuta Joyce Masanja amefariki Dunia pembezoni mwa barabara jirani na msikiti wa Binti haji.

Baadhi ya wananchi waliofika kwenye tukio hilo wameeleza kuwa wamekuta marehemu huyo amefariki Dunia huku akiwa amechomwa kisu sehemu mbalimbali za mwili wake ikiwepo sehemu ya shingo, kwenye ubavu pamoja na sehemu ya mapaja yake.

Wameeleza kuwa wamesikitishwa na tukio hilo ambapo wameilalamikia serikali ya mtaa huo kuwa wanatoa mchango wa fedha kila mwezi kwa ajili ya ulinzi shirikishi na kwamba ulinzi huo haufanyiki ipasavyo huku wakiliomba jeshi la polisi kufanya uchunguzi ili kubaini chanzo cha mauaji ya Mwanamke huyo Joyce Masanja.

Kwa upande wake Mwenyekiti wa Mtaa wa Kalonga Bwana Victor Ochieng   ameeleza kuwa amepokea  taarifa za tukio hilo majira ya saa moja asubuhi ambapo alichukua hatua za kutoa taarifa kwa Jeshi la Polisi,ambapo pia ametoa rai kwa jamii kuepuka tabia ya kujichukulia sheria mkononi

Kamanda wa Jeshi la Polisi Mkoa wa Shinyanga Kamishina Msaidizi wa polisi Janeth Magomi amethibitisha kutokea kwa tukio hilo ambapo ameeleza taarifa za awali zinaonyesha chanzo ni wivu wa kimapenzi baina ya Mume na Mke,na kwamba jeshi hilo linamshikilia mwanaume huyo kwa ajili ya uchunguzi 

Baadhi ya wananchi wakishuhudia katika eneo la tukio mtaa wa Kalonga jina maarufu Mshikamano kata ya Ngokolo Manispaa ya Shinyanga.